अन्तर्वार्तामा मानहानी गरेको भन्दै अभिनेत्री करिश्मा मानन्धरले हालेको उजुरीका आधारमा पक्राउ परेका डिल्लीराम खनाललाई ४ दिन थुनामा राख्न अदालतले अनुमति दिएको छ । खनाललाई साइबर ब्युरोले शुक्रबार जिल्ला अदालतमा उपस्थित गराएको थियो ।
अदालतले प्रहरी हिरासतमा राखी अनुसन्धान गर्न ४ दिनको समय दिएको हो । खनालले एक युट्युब च्यानलमा अन्तर्वार्ता दिनेक्रममा मानन्धर अमेरिकामा एक पुरुषसँग लिभिङ टुगेदर बसेको बताएका थिए । यो भिडियो क्लिप सामाजिक सञ्जालमा भाइरल बनेपछि मानन्धरले साइबर ब्युरोमा उजुरी दिएकी थिइन् ।
खनालमाथि विद्युतीय कारोबार ऐनअनुसारको कसुरमा अनुसन्धान भइरहेको छ । उनलाई प्रहरीले शुक्रबार नयाँ बानेश्वरबाट पक्राउ गरेको थियो ।
मानन्धरले उजुरी गरेपछि अर्को अन्तर्वार्तामा खनालले आफ्नो मुखबाट नाम चिप्लिएको भन्दै माफी पनि मागेका थिए ।
