७ नोभेम्बर, सिड्नी : पश्चिम नेपालको जाजरकोट र पश्चिम रुकुममा केन्द्रबिन्दु बनाएर आएको भुकम्पमा परि ज्यान गुमाउनेहरुप्रति एनआरएनए अष्ट्रेलियाले आपतकालीन राहत कोष मार्फत दश हजार डलरको सहयोगको घोषणा गरेको छ। गएको शुक्रबार राति १२ बजेर ८ मिनेट जाँदा ४.५ म्याग्निच्युडको परकम्प गएको भूकम्प मापन केन्द्रले सार्वजनिक गरेको विवरणमा उल्लेख गरिएको छ। यसपछि राति १२ बजेर २९ मिनेट जाँदा फेरि ४.२ म्याग्निच्युडको भूकम्प गयो भने राति १२:३५ बजे पुनः ४.३ म्याग्निच्युडको परकम्प गएको भूकम्प मापन केन्द्रले जनाएको छ।

भुकम्प आए लगत्तै ४ तारिखमा एनआरएनए अष्ट्रेलियाका अध्यक्ष अनिल पोख्रेलले एक विज्ञप्ति सार्वजनिक गर्दै भूकम्पमा परि मृत्युवरण गरेका परिवारका लागि एनआरएनए अष्ट्रेलियाले आर्थिक सहयोग गर्ने प्रतिवद्दता गर्नुभएको हो। चित्रवन खबरको सम्पर्कमा आउनुभएका अध्यक्ष पोख्रेलका अनुसार आपतकालीन कोषबाट विनियोजन गरिएको रकमका साथसाथै गोफण्डमीबाट अहिले सम्म १८ हजार अष्ट्रेलियन डलर जम्मा भइसकेको जानकारी दिनुभएको छ। एनआरएनए अष्ट्रेलियाका उपाध्यक्ष तथा अहिलेका कार्यवाहक अध्यक्ष संजय पुरीको नेतृत्वमा रकम संकलन भैरहेको पनि उहाँले बताउनु भयो।

नेपालमा परेका हरेक समस्यामा अष्ट्रेलियामा बस्ने नेपालीहरुकोहरुको पनि सदाझै साथ् सहयोग हुने अध्यक्ष पोख्रेलले जानकारी दिनुभयो।
यो राष्ट्रिय विपत्तिमा अष्ट्रेलियामा बस्ने सम्पूर्ण नेपालीहरुलाई सहयोग गर्न पनि एनआरएनए अष्ट्रेलियाले आह्वान गरेको छ। रकम संकलनका लागि बैंकबाट सिधै रकम जम्मा गर्न तल उल्लेखित बैंकमा हाल्न सकिने भने गोफण्डमीको लागि यो लिंकमा गएर जम्मा गर्न सकिने प्रावधान रहेको पनि गैर आवासीय नेपाली संघ अष्ट्रेलियाले जनाएको छ।
NRNA Disaster Relief Account
BSB: 032006
Account: 595128