स्वास्थ्य कार्यालय चितवनले दिएको जानकारी अनुसार आज कोरोनाबाट ३ जनाको मृत्यु भएको छ भने ३ जना नै कोरोना संक्रमित भेटिएका छन्। पछिल्लो केहि दिन यता स्वाब परिक्षण गर्नेको संख्यामा कमि आएसंगै संक्रमित हुनेको संख्यामा पनि कमि आएको कार्यालयले बताएको छ। पिसिआर पद्दतिमा भरतपुर महानगरमा १ जना संक्रमित देखिएका हुन् भने एन्टीजेन मार्फत २ जना माडी नगरपालिका अन्तर्गत स्वास्थ्य केन्द्रमा संक्रमित देखिएका हुन्।

हाल सम्म चितवनमा १५३३२ जना संक्रमित भएका थिए भने १३८४७ जना निको भइ घर फर्किएका हुन्। १२२० जना अझैपनि आइसोलेसनमा रहिरहँदा २६५ जनाको मृत्यु भएको छ।