त्रिशुली अस्पताल नुवाकोटबाट पठाइएको स्वाबको पीसीआर परीक्षण गर्दा तीन जनामा कोरोनाको डेल्टा र एक जनामा डेल्टा प्लस भेरियन्ट पुष्टि भएको छ ।
राष्ट्रिय जनस्वास्थ्य प्रयोगशालामा चार स्वाबको नमूना परीक्षण गर्दा उनीहरुमा उक्त भेरियन्ट पुष्टि भएको हो । पहिलो लहरको कोरोना अल्फा भेरियन्ट र दोस्रो लहरको कोरोना डेल्टा भेरियन्टभन्दा कोरोनाको डेल्टा प्लस भेरियन्ट ६० देखि १०० प्रतिशत बढी संकामक रहेको विभिन्न अनुसन्धानले पुष्टि गरेको छ ।
डेल्टा प्लस भेरियन्टले बालबालिकादेखि वृद्धवृद्धासम्मका सबै उमेर समूहका व्यक्तिहरुलाई उच्च संक्रमण गर्ने सक्ने र फोक्सोमा बढी असर पार्नसक्ने क्षमता रहेको छ ।
