निराज रानाभाट, चितवन । चितवने माटोले जन्माएको चर्चित तथा लोकप्रिय गायक एवं सर्जक कलाकार संकल्प लामिछानेको आवाजमा रहेको ‘ आखैँ नशालु ’ बोलको गीत आज सार्वजनिक भएको छ । चितवनको पर्यटकीय क्षेत्र सौराहामा छायांकन गरिएको गीतको शब्द तथा संगीत संकल्प लामिछाने स्वयम् को रहेको छ । पहिलो पाईला मिडिया हाउस प्रा.लि. द्वारा निर्माण गरिएको गीतको भिडियोमा कलाकार संकल्प लामिछाने, सुमन ठकुरी र कोपिला भारतीको मुख्य भूमिका रहेको छ । उक्त गीतको भिडियो संकल्प लामिछानेले नै निर्देशन गरेका छन् ।

त्यसैगरी, टेलिसिरियल तिरीमिरी झ्याईका कलाकारहरुको पनि अभिनय रहेको छ । उक्त गीतको भिडियोलाई रबि कोइरालाले छायांकन गरेका छन् , भने सम्पादन / कलर निरक थापा र अमृत चापागाईंले गरेका छन् । यस्तै, प्रेममा धोका पाएको विषयलाई फिल्मी शैलीमा बनेको गीतको संगीत सम्योजन बिनोद बाजुरालीले गरेका छन् । उक्त गीतको मिक्सिङ खड्का बाजुरालीले गरेका छन्, भने रेकर्डिस्टमा सागर बाजुराली रहेका छन् । मन छुने शब्द प्रस्तुत गरिएको गीत माला श्री रेकर्डिङले बजारमा पठाएको हो ।

यसैगरी, उक्त गीतको भिडियो पहिलो पाईला मिडिया हाउसको युट्युब च्यानलबाट सार्वजनिक गरिएको छ । उक्त गीतको भिडियोको मिडिया पार्टनरको रुपमा जन अपडेट डटकमलगायतका विभिन्न मिडिया रहेको छ । संकल्प लामिछाने आफैँमा गायक सर्जक बाहेका हास्यबङग्य कलाकार पनि हुन्, उनले तिरीमिरी झ्याई, समाज जस्ता चर्चित टेलिसिरियलको निर्देशन गरिसकेका छन् । त्यस्तै, लामिछानेका यस अघि नै सुन माया धोका दिन्छौ कि, आशा पलाउने, परदेशी फर्की आउने कि लगायत करिव आधा दर्जन गीत बजारमा आएका छन् र हजारौँ दर्शकहरुको माया पनि पाईसकेका छन् ।