२८ असार,भरतपुर,अपाङ्गता भएका व्यक्तिलाई सहायक सामाग्री (ह्वीलचियर)वितरण कार्यक्रम भरतपुरमा सम्पन्न भएको छ ।
अपाङ्ग समाज चितवनको आयोजना तथा सिन्धु विकास बैक लि, विकासचोक शाखाको आर्थिक सहयोगमा ३ जना पुरुष र २ जना महिला गरी ५ जना शारीरिक अपाङ्गता भएका व्यक्तिहरुले नयाँ ह्वीलचियर प्राप्त गरेका हुन् ।
यसैबिच सिन्धु विकास बैक, विकासचोक शाखाको सामाजिक उत्तरदायित्व अन्तर्गत अपाङ्गता भएका ब्यक्तिहरुलाई समुदायमा पुनर्स्थापना अन्तर्गत अपाङ्ग समाज चितवनको आयोजनामा ५ जना शारीरिक अपाङ्गता भएका व्यक्तिहरुले ह्वीलचियर प्राप्त गर्नुभएको छ ।
बागमती प्रदेशसभा सभासद् इश्वर सापकोटा (सुमन) प्रमुख अतिथी रहनुभएको उक्त कार्यक्रममा सिन्धु विकास बैकका क्षेत्रिय प्रवन्धक रबिन कुंवर एवं सिन्धु विकास बैक विकासचोक शाखाका प्रवन्धक कृष्ण प्रसाद दाहाल लगयत बैक कर्मचारीहरु बिशिष्ट अतिथी रहनुभएको थियो ।
कार्यक्रमलाई सम्बोधन गर्नुहुँदै क्षेत्रिय प्रवन्धक रबिन कुंवरज्यूले अपाङ्गता भएका व्यक्तिहरुलाई सहायक सामाग्री वितरण कार्य सामाजिक उत्तरदायित्व अन्तर्गत रहेको बताउनुहुँदै बैक सधैँ भरी अपाङ्गता भएका व्यक्तिहरुको हित प्रवर्द्धनमा लागिरहने जानकारी दिनुभयो ।
कार्यक्रमको बिशिष्ट अतिथी समेत रहनुभएको सिन्धु विकास बैक विकासचोक शाखाका प्रवन्धक कृष्ण प्रसाद दाहालले अपाङ्गता भएका व्यक्तिहरुको सामाजिक सहभागीतामा वृद्धि गर्ने र पुनर्स्थापना सेवालाई प्रवर्द्धन गर्ने बिषयमा गम्भीर भएको जानकारी दिनुहुँदै आगामी दिनमा यस प्रकारका कार्यक्रमहरुलाई निरन्तरता दिइने बताउनुभयो ।
उक्त कार्यक्रममा अपाङ्ग समाज चितवनको सचिव मन बहादुर पुनले स्वागत मन्तव्य राख्नुभएको थियो ।
संस्थाका अध्यक्ष होमनाथ अधिकारीको सभाध्यक्षतामा भएको उक्त कार्यक्रमको संस्थाका आजीवन सदस्य दिवाकर मरहट्टाले सहजीकरण गर्नुभएको थियो ।
