आज (आइतबार) खैरहनी नगरपालिका–६ को पार्टी सम्पर्क कार्यालयको उद्घाटन कार्यक्रममा बोल्दै उपाध्यक्ष पाण्डेले यस्तो आरोप लगाएका हुन्।

पाण्डेले देश निर्माण गर्न एकपल्ट राप्रपालाई विजय गराउन जनतालाई आग्रह समेत गरे। राप्रपा विजयी भएमा जनताले मुलक परिर्वतनको महशुस गर्ने उनको दावी थियो। विभिन्न दलका जनताले पार्टीका नाममा धेरै भोट हालेपनि देश परिर्वतन हुन नसकेको उनको भनाई थियो । रोजगारीको शिलसिलामा युवाहरु विदेशीनुपर्ने बाध्यता भएको बताउँदै उनले यहाँ भएका किसानहरु सधै मल र उत्पादन विक्रीको चपेटामा पर्ने गरेको बताए।

उनले अब राष्ट्रवादी शक्ति एक भएर देशको विकास गर्ने जिकिर गरे। राप्रपाले युवाहरुको लागि रोजगारीको वातावरण बनाउने, कुनै पद र पैसाको लोभमा नलागि जनताको सेवामा लाग्ने उनको भनाई थियो ।