नेपाली काङ्ग्रेस चितवनका सभापति राजेश्वर खनालले लोकतन्त्रमा प्रतिगमनकारी शक्तिहरुलाई जनताको मतबाट हटाउनु पर्ने बताएका छन् । बैशाख ३० गते हुने स्थानीय तहको निर्वाचनमा पाँच दलिय गठबन्धनको पक्षमा मतदान गर्न आग्रह गर्दै सभापति खनालले नेपाली काङ्ग्रेसको लागी सुर्य चिन्ह भन्दा भुँईकटहर धेरै टाढा रहेको बताएका हुन् ।

मंगलबार नारायणगढमा पेशाकर्मी, बुद्धिजीवी नागरिक अभियानले निकालेको प्रभातफेरी कार्यक्रमलाई सम्बोधन गर्दै सभापति खनालले सुर्य चिन्हको कारणबाट हामी जति पछाडी पर्छौ, त्यो भन्दा तीन गुणा बढी भुँईकटहरबाट पछाडी पर्ने खतरा रहेको उनले उल्लेख गरे ।

उनले सबै कार्यकर्ताहरुले मनोवल उच्च बनाएर पाँच दलिय गठबन्धनको पक्षमा मतदान गरि चितवनका सातै पालिकामा विजय हासिल गराउन समेत आग्रह गरे ।  चितवनका सातै पालिकामा प्रतिगमनकारिहरुले नेतृत्व पाए भने तिनैले तपाई, हामिलाइ प्रतिकार गर्नेमा कुनै कसर बाँकी नराख्ने पनि उनले बताए ।  खनालले भने,‘यदि, प्रतिगमनकारिहरुले चुनाव जिते भने पल्लो घरको आँगनबाट अर्को प्रतिगमनकारी शक्तिले तपाईको टाउकोमा लठ्ठि चलाउने छ ।’

फरक प्रसङ्गमा २०४६ सालको जनआन्दोलनमा एक अर्को नभनिकन काङ्ग्रेस र बाम मोर्चा एक भएर पन्चायती व्यवस्थालाईअन्त्य गरियो त्यसरी नै बैशाख ३० लाई पनि सफल बनाउन सबै पेशाकर्मि, बुद्धिजिबि, नागरिक समाज लगायत आम नागरिक समक्ष आग्रह गरे । कार्यक्रममा बुद्धिजीवी, पेशाकर्मी, नागरिक समाजका अगुवा लगायतको उपस्थिति रहेको थियोे ।