‘वैकल्पिक शक्ति एउटा मात्र हुनुपर्छ भन्ने छैन। कतिपय वैकल्पिक शक्तिसँग हाम्रो सहकार्य भयो र कतिपयले मान्नु भएन। यो लोकतान्त्रिक अभ्यास हो’, उनले भने।

शाहले काठमाडौंको मेयरमा आफूले ९० हजार ८३५ मतले जित्ने दाबी पनि दोहाेर्‍याए।

अघिल्लो पाँच वर्षकोजस्तो दुःख नभोग्न मतदाताले आफूलाई मत दिनुपर्ने उनकाे भनाइ छ। व्यवस्थापनको कमजोरीले गर्दा काठमाडौंका जनताले सुख पाउन नसकेको बुझाइ उनको छ।

‘युवा भएर मात्र भोट मागेका छैनौँ। दृष्टिकोण बनाएका छौँ, सोहीअनुसार काम गर्छौँ भनेर भोट मागेका छौँ’, शाहले भने, ‘स्थानीय निर्वाचन निर्दलीय हुनुपर्छ भन्ने हाम्रो सिद्धान्त हो।’

काठमाडौं महानगरपालिकाभित्र साढे दुई लाख घर रहेको र सकेसम्म सबै घरमा कुनै न कुनै माध्यमबाट पुग्ने प्रयास आफूले गर्ने उनले जनाए।