गत हप्ता बैशाख ३० मा सम्पन्न स्थानीय निर्वाचनको मतपरिणाम आउने क्रम जारी रहेको छ। जेष्ठ ५ गते सम्म सम्पूर्ण स्थानीय तहको निर्वाचन मतपरिणाम सार्वजनिक गरिसक्नुपर्ने संबैधानिक नियम अन्तर्गत हाल सम्म ८० प्रतिशत पालिकाको निर्वाचन परिणाम आइसकेको आयोग जिकिर गर्छ।
देशैभरिबाट सर्वाधिक चासोको विषयमा रहेको भरतपुर महानगरपालिकाको मतपरिणाम पनि कछुवाको गतिमा सार्वजनिक गरिरहेको छ निर्वाचन आयोग। २९ वटा वडा रहेको भरतपुरमा हालसम्म जम्मा ११ वटा वडाको मतपरिणाम सार्वजनिक भएको छ। आज बिहान ९ बजेर २५ मिनेट जाँदासम्म १२ औं वडाको मतगणना जारी रहेको छ। उक्त वडासम्ममा गठबन्धनबाट मेयरका प्रत्यासी रहनुभएकी रेनु दाहालले २०७३९ मत सहित अग्रस्थानमा रहनुभएको छ भने अर्का प्रतिद्वन्दी नेकपा एमाले तर्फका विजय सुवेदीले १७४९९ मत सहित दोस्रो स्थान बनाउनुभएको छ। यो संगै नेपाली कांग्रेसका वागी अर्थात् स्वतन्त्र उम्मेदवार वरिष्ठ अधिवक्ता जगन्नाथ पौडेल “भुँईकटहर” चिन्हले ७९५६ मत सहित पछ्याइरहनु भएको छ। यो संगै पहिलो र दोस्रो उम्मेदवार बीच ३२४० को मतान्तर रहेको छ।

चौतर्फी रुपमा मेयरको विषयमा मात्र चासो राख्नेहरुको भिंडमा छाँयामा परेका छन् उपमेयर चित्रसेन अधिकारी। सुरुवात देखिने अग्रता लिंदै आएका गठबन्धनका साझा उम्मेदवार अधिकारी २३,१८८ मतसहित निर्वाचित हुनेतर्फ लम्किरह्नु भएको छ। उहाँको निकटतम प्रतिद्वन्दी एमाले राप्रपा गठबन्धनकी “हलो” चिन्हकी हिमला गुरुङले १३,८९३ मत प्राप्त गर्नुभएको छ। उपमेयरका प्रत्यासी द्वय बीच झन्डै ९,२९५ मतको फरक रहेको छ। सत्ता गठबन्धनका उम्मेदवार अधिकारी सुरुवात देखिनै बलियो प्रतिस्पर्धीको रुपमा देखिनुभएको थियो तथापि सम्पूर्णको ध्यान मेयरमा जानाले उहाँको विषयमा समाचारहरु कमै मात्र प्रकाशित भईरहेको छ ।