भरतपुर महानगरपालिका वडा नम्बर ७ को वडाध्यक्षमा नेकपा एकीकृत समाजवादीका राजेन्द्रमणि काफ्ले निर्वाचित भएका छन्। यो संगै भरतपुरमा गठबन्धनको अर्को साझेदार समाजवादीले पहिलो वार्ड जितेको हो ।
काफ्ले सत्तारुढ ५ दलीय गठबन्धनका तर्फबाट वडा अध्यक्षका साझा उम्मेदवार हुन् भने काफ्लेका निकटतम प्रतिद्वन्दी नेकपा एमालेका सनत कुमार लामिछाने थिए । काफ्ले यसअघि पनि २०७४ को चुनावमा नेकपा एमालेबाट वडा अध्यक्षमा निर्वाचित भएका थिए ।
अहिले सम्म गठबन्धनबाट नेपाली कांग्रेसले वडा नम्बर १ ,२ ४, ५ र ६ गरेर ५ वटा वडा जितेको छ भने एमालेले वडा नम्बर ३ जितेको छ । यति बेला वडा नं ८ को मत गणना चलिरेको छ भने वडा नं ९ को मतगणना सुरु गर्ने तयारी थालिएको छ ।
