सिटिजन्स बैंकका एटीएम कार्डबहाकहरुले चितवनको एनपीआई नारायणी सामुदायिक अस्पतालमा छुट पाउने भएका छन्। बैंकका कार्डबाहकहरूले अस्पतालमा १०% सम्म छुट दिने समझदारी पत्रमा हस्ताक्षर भएको छ।
बैंकका कार्डबाहकहरुले अस्पतालको सबै सेवामा १०% छुट पाउने बैंकले जनाएको छ। बैंकले हालसम्म कार्ड नभएका ग्राहकहरुलाई तत्कालै नयाँ कार्ड उपलब्ध गराउन सिटिजन्स इन्स्ट्यान्ट कार्डको व्यवस्था पनि गरेको बताइएको छ।
मोबाइल बैकिङ मार्फत खानेपानी, बिजुली तथा इन्टरनेटको बिल, प्रिपेड तथा पोष्टपेड मोबाइल बिल, कार्डलेस विड्रल (यो सुविधा मार्फत बैंकको मोबाइल बैंकिङ सुविधा लिएका ग्राहकहरुले बिना कार्ड एटीएमबाट पैसा निकाल्न सक्नेछन्) र मुद्दती खाताको आवेदन दिनसक्ने लगायतका व्यवस्था समेत बैंकले गरेको छ।
समझदारी पत्रमा बैंकका तर्फबाट सुवर्ण बुढाथोकी र अस्पतालका अध्यक्ष डा भक्तमान श्रेष्ठले हस्ताक्षर गर्नुभएको थियो।
