नेपाली कांग्रेसका नेता गुरुराज घिमिरेले सक्रिय राजनीतिबाट बिदा लिउँ कि भन्ने लागेकाे बताउनुभएको छ ।
आज (मंगलबार) बिहान सामाजिक संजाल फेसबुक/ट्वीटर मार्फत उहाँले यस्तो बताउनुभएको हो । सक्रिय राजनीतिबाट बिदा लिने मनसाय व्यक्त गर्दै पार्टीका पूर्वकेन्द्रीय सदस्यसमेत रहनुभएका घिमिरेले राजनीति आफ्ना लागि उपयुक्त क्षेत्र नभएको तर्क गर्नुभएको छ।
स्थानीय तहको निर्वाचनपछि साे विषयमा निर्णय गर्ने पनि उहाँले सामाजिक संजालमा उल्लेख गर्नुभएकाे छ । घिमिरे कांग्रेस १४ औं महाधिवेशनमा प्रदेश नम्बर १ को सभापति पदमा दुई भोट नपुगेर पराजित हुनुभएको थियो ।
सक्रिय राजनीतिबाट बिदा लिउँकी भन्ने लागेको छ।स्थानीय चुनावको लगत्तै निर्णय लिन्छु।स्थानीय तहमा देशभरी उम्मेदवार बन्नु भएका साथीहरूलाई बिजयको शुभकामना छ!
— Gururaj Ghimire (@ghimire_gururaj) April 26, 2022
