हाम्रो चित्रवन बचत तथा ऋण सहकारी संस्था लि. भरतपुर–११ ले बुधबारदेखि एटिएम भिजा कार्ड सञ्चालनमा ल्याएको छ । भरतपुर–७ स्थित कृष्णपुरमा रहेको चित्रवन सेवा केन्द्र कार्यक्रमका गरी संस्थाले एटिएम भिजा कार्ड सञ्चालनमा ल्याएको हो ।
कार्यक्रममा विशिष्ट अतिथि चितवन जिल्ला बचत संघका अध्यक्ष हरिशचन्द्र सुवेदी, भरतपुर महानगरपालिका सहकारी तथा रोजगार प्रवद्र्धन शाखा अधिकृत रामबाबु पौडेल, भरतपुर महानगरपालिका वडा नं–७ का अध्यक्ष तथा संस्थाका पूर्वअध्यक्ष राजेन्द्रमणि काफ्ले, पायोनियर एसोसिएट्सका प्रबन्ध निर्देशक पायोनियर खड्का, चितवन जिल्ला बचत तथा ऋण सहकारी संघ लि. का सचिव एवं संस्थाका पूर्वअध्यक्ष रामराज पौडेल, सनराइज बैंक नारायणगढ शाखा प्रमुख रोहित महासेठलगायतले संस्थाले सुरूवात गरेको कार्यलाई शुभकामना व्यक्त गरेका थिए ।
सहकारीको एटिएम भिजा कार्डमार्फत हाम्रो चितवन बचत तथा ऋण सहकारी संस्थाका शेयर सदस्यहरुले भारत र भूटानका जुनसुकै एटिएममार्फत रकम निकाल्न सक्ने संस्थाले जानकारी दिएको छ । भरतपुर–११ स्थित मुख्य कार्यालय रहेको संस्थाले चितवन जिल्लाका विभिन्न आठ सेवा केन्द्रमार्फत सदस्यलाई सेवा दिँदै आएको छ ।
संस्थाका अध्यक्ष तेजेन्द्रबहादुर खड्काको सभापतित्वमा सम्पन्न उक्त कार्यक्रमका प्रमुखअतिथि बागमती प्रदेश सरकार श्रम रोजगार तथा यातायातमन्त्री घनश्याम दाहालले एटिएम भिजा कार्डको शुभारम्भ गरेकोमा धन्यवाद दिएका थिए ।
संस्थाका उपाध्यक्ष अनिलराज पौडेलले स्वागत मन्तव्य राखेको कार्यक्रम सचिव कृष्णप्रसाद पौडेलले सञ्चालन गरेका थिए ।
