श्रीलंकाका गोताबाय राजपाक्षले राजीनामा दिएपछि बुधबार सांसदहरूले नयाँ राष्ट्रपति चयन गर्दै छन् ।
कार्यवाहक राष्ट्रपति रनिल विक्रमासिंघे, दलास अलापेरुमा र वामपन्थी नेसनल पिपुल्स पावर पार्टीका अनुरा कुमारा दिसानायके राष्ट्रपतिका लागि त्रिपक्षीय प्रतिस्पर्धामा छन् । सत्तारुढ दल एसएलपीपीले प्रधानमन्त्री रनिल विक्रमासिङ्घेलाई उम्मेदवार बनाएको छ । उनलाई दौडमा अग्रपंक्तिको रूपमा हेरिएको छ ।
श्रीलंकामा प्रदर्शन बढेसँगै राष्ट्रपतिको रुपमा राजपाक्षले राजीनामा दिए पनि उनले भने प्रधानमन्त्री पद त्याग्न मानेका थिएनन् । प्रदर्शनकारीले भने विक्रमासिङ्घेलाई राष्ट्रपतिको रुपमा हेर्न चाहँदैनन् । विक्रमासिङ्घेलाई कडा टक्कर दिनेमा सत्तारुढ दलका असन्तुष्ट सांसद दलास अलापेरुमाको नाम पनि परेको छ, जसलाई प्रतिपक्षले पनि समर्थन गरेको छ ।
नयाँ राष्ट्रपतिको कार्यकाल नोभेम्बर २०२४ मा समाप्त हुनेछ। यो राजपाक्षको बाँकी कार्यकाल हो । मतदानमा कुल २२५ सांसदले भाग लिनेछन्। राष्ट्रपतिमा निर्वाचित हुन आधाभन्दा धेरै मत पाउनुपर्ने हुन्छ ।
