चितवन – गायिका विष्णु माझीले तिजको  गीत सार्वजनिक गरेकी छन् । ‘चरी जेलैमा–२’ बोलको गीत उनले युट्युबमार्फत सार्वजनिक गरेकी हुन् । उक्त गीतमा थोरै आलाप मात्र नया छ भने अरु सबै भाका चरी जेलैमा भाग १ कै रहेको छ |

गीतले श्रीमानप्रति गरिएको अपेक्षा, उनले श्रीमतीलाई दिने दुःख र बेदना समावेश छ । गीतमा विष्णुको एकल स्वर छ । श्रीमान सुन्दरमणि अधिकारीको शब्द-संगीत छ । गीतमा ‘चरी जेलैमा’कै संगीत सुन्न सकिन्छ । गीतको भिडियोमा यसअघिकै मोडल ललिता पौड्यालकै अभिनय छ ।

सुन्दरमणिले भिडियोको निर्माण एवं निर्देशन गरेका हुन् । भिडियो सुन्दरमणिको आफ्नै सपना म्युजिक इन्डष्ट्रिजको युट्युबमार्फत सार्वजनिक भएको हो ।