मध्य नेपालकै सबैभन्दा धेरै बिरामीको भिड हुने चितवनस्थित भरतपुर अस्पतालमा कार्यरत विकास समिति कर्मचारी युनियनले आज अस्पतालका मेसु र अध्यक्ष सामु १२ बुधे ज्ञापन पत्र बुझाएका छन्।

कोरोनाको समयमा अहोरात्र खटिने कर्मचारीको विशेष सुरक्षा आवश्यक व्यवस्थापन देखि लिएर अस्पतालमा भैरहेको आर्थिक नियमावली पारदर्शी रुपमा राख्नुपर्ने कुरा पनि ज्ञापन पत्रमा उल्लेख गरिएको छ।

युनियनका तर्फबाट अध्यक्ष ई चन्द्रमणी बस्यालको नेतृत्वमा ज्ञापन पत्र अस्पतालका निमित्त मेसु डा जगन्नाथ तिवारीलाई भेटेर बुझाएका थिए। अस्पताल व्यवस्थापन समितिका अध्यक्ष डा भोजराज अधिकारीको रोहबरमा बुझाइएको ज्ञापन पत्रमा उल्लेखित सम्पूर्ण मागहरु १५ दिन भित्रमा पुरा नभएको खण्डमा थप कार्यक्रम अगाडी बढाउने कुरा पनि युनियनका उपाधक्ष्य कृष्ण शर्माले बताए।

साथै अस्पताल फार्मेसीमा भएको चरम लापरवाही र फार्मेसी संचालन निर्देशिका ऐन विपरित रहेको र यस विषयलाई गम्भीर रुपमा लिन पनि प्रशासनलाई अनुरोध गरेको पनि शर्माले जानकारी गराए। उनका अनुसार अस्पताल फार्मेसीको सुधृढिकरणको सन्दर्भमा “Right Man At Right Place” नभएमा आगामी दिनमा सशक्त कार्यक्रम घोषणा गरेर अगि बढ्ने समेत उपाध्यक्ष शर्मा ले चित्रवन खबर लाई बताए।

साथै दैनिक ज्यालादारी कर्मचारीको व्यवस्थापन गर्ने सम्बन्धमा अस्पताल प्रशासनले वे-वास्ता गरेको प्रति डा दिपेन न्यौपानेले सम्पूर्ण ज्यालादारी कर्मचारीको तर्फबाट आपत्ति प्रकट गर्नुभएको छ।