निर्वाचन आयोगले प्रदेश १ र गण्डकी प्रदेशका निर्वाचन क्षेत्र पूर्वाधार विशेष कार्यक्रमअन्तर्गतका कार्यक्रम सञ्चालन नगर्न निर्देशन दिएको छ ।

४ मंसिरमा चुनाव हुन लागेको बेला प्रदेश १ र गण्डकी प्रदेश सरकारले निर्वाचन क्षेत्र पूर्वाधार विशेष कार्यक्रममर्फत सांसदलाई योजना र बजेट बाड्ने तयारी गरेको भन्दै आयोगले आपत्ति जनाएको हो ।

शुक्रबार आयोगले चुनाव प्रक्रिया सुरु भइसकेकापछि ती कार्यक्रम सञ्चालन गर्न खोजिएकोले चुनावको निष्पक्षतामा प्रश्न उठाएको हो ।

आयोगले भनेको छ, ‘आयोगले निर्वाचनमा स्वच्छता, निष्पक्षता, पारदर्शिता तथा भयमुक्त वातावरण कायम राख्न विभिन्न निकायलाई निर्देशन दिन सक्ने स्पष्ट कानुनी व्यवस्था भएको हुँदा आयोगले उपर्युक्त प्रदेश सरकारहरूलाई उल्लिखित काम कारबाहीहरू नगर्न नगराउन हुन् निर्देशन दिनुका साथै निम्नानुसार स्पष्टीकरण सोधेको छ ।’