काठमाडौँ — अब नेपालमा पनि सामसुङ ब्राण्डको टीभी एसेम्बलिङ उद्योग खुल्ने भएको छ । त्यसका लागि नवलपरासीको भुमहीमा फ्याक्ट्री खोलिने भएको छ । गोल्छा अर्गनाइजेसनको हिम इलेक्ट्रोनिक्सले नेपालमा फ्याक्ट्री सञ्चालन गर्ने भएको हो । हाल हिम इलेक्ट्रोनिक्स सामसुङको आधिकारिक डिलरका रुपमा रहँदै आएको छ ।
एसेम्बलिङ फ्याक्ट्रीको एक कार्यक्रमका बीच बुधबार शिलान्यास गरिएको छ । ५० करोडको लगानीमा पूर्वाधार तयार गरिने छ । ३२ देखि ८५ इन्चसम्मका टीभी यहाँ बनाइनेछ । प्रतिदिन १ हजार टीभी तयार हुनेछ भने दुई वर्षमै ५ सय जनाले रोजगारी पाउने अर्गनाइजेसनका शेखर गोल्छाले बताए । ‘सामसुङसँग २२ वर्षको सहकार्यपछि अब नेपालमै टीभी एसेम्बलिङ उद्योग खोल्न लागेका छौं’ उनले भने ।
