भदौ, २९ चितवन । चितवनको पहिलो रेडियो स्टेशन सिनर्जी एफएम ९१ दशमलव ६ मेगाहर्जले राष्ट्रिय बालदिवसको अवसरमा प्रतियोगितात्मक बालकवि सम्मेलन सम्पन्न गरेको छ । एफएमको सभाहलमा सम्पन्न प्रतियोगितात्मक बालकवि सम्मेलनमा नारायणी पब्लिक स्कूलकी सन्ध्या गुरुङले प्रथम स्थान हासिल गरेकी छन् ।
प्रतियोगितात्मक सम्मेलनमा रामजानकी गार्गी कन्या गुरुकुलकी चेतना वाग्ले द्वितीय हुँदा अङ्कुरम एकेडेमीका सोहम अधिकारी तृतीयभएका छन् । सम्मेलनमा चितवनका विभिन्न विद्यालयका ३० जना बालकविको सहभागिता रहेको थियो ।
सम्मेलनका सहभागीहरुले बालअधिकार तथा विभिन्न समसामयिक विषयमा रचिएका कविताहरु सुनाएको थिए । सम्मेलनमा विजयी विद्यार्थीहरुलाई नगद पुरस्कार सहित प्रमाणपत्र प्रदानगरिएको छ । सहभागीहरुलाई समेत प्रमाणपत्र वितरण गरिएको छ ।
सम्मेलनको निर्णायकमा प्राध्यापक, समालोचक एवं साहित्यकार रमेश प्रभात र बाल साहित्यकार विद्या भण्डारी चिराग रहनु भएको थियो । कार्यक्रमको समापनमा बोल्दै साहित्यकार एवं समालोचक प्रभातले सहभागी विद्यार्थीहरुलाई लेखनलाई निरन्तरता दिनआग्रह गर्नुभयो ।
कार्यक्रममा सहभागीहरुलाई धन्यवाद दिँदै सिनर्जी एफएम कार्यक्रम संयोजक सविता अधिकारीले एफएमले बालकविहरुलाई थप लेखनका लागि शुभकामना समेत व्यक्त गर्नुभयो ।
