चितवनमा पछिल्लो २४ घण्टामा एक जना मात्रै डेंगु संक्रमित थपिएका छन् । स्वास्थ्य कार्यालय चितवनका अनुसार भरतपुर महानगरपालिकाका एक व्यक्तिमा डेंगु पुष्टि भएको हो । जिल्लामा डेंगुको संक्रमणदर २४.२६ प्रतिशत देखिएको छ ।
चालु आर्थिक वर्ष २०७९/८० को हालसम्म ८ हजार ९५७ जनाको परीक्षण गर्दा २ हजार १७३ जनामा डेंगु पुष्टि भएको छ । जसमध्ये चितवनका मात्रै १ हजार ४७१ जनामा डेंगु देखिएको स्वास्थ्य कार्यालयले जानकारी दिएको छ ।
अन्य जिल्लाका ४७४ जना र ठेगाना नखुलेका २२८ जनमा डेंगु पुष्टि भएको हो । यस अवधिमा ३ जना डेंगु संक्रमितको मृत्यु भएको छ । पछिल्लो एक हप्तामा मात्रै २१३ जनामा डेंगु देखिएको छ ।
