काठमाडौं, २८ बैशाख । फिनल्याण्डकी प्रधानमन्त्री सान्ना मारिनले सबन्ध बिच्छेदका लागि निबेदन दिएकी छिन ।
श्रीमान् मार्कस राइकोनेनले १९ वर्षको सबन्धलाई तोडदै प्रधानमन्त्री मारिनले सबन्ध बिच्छेदका लागि निबेदन दिएको जनाएकी छिन । उनले सो जानकारी आफनो इन्स्टाग्रामवाट दिएकी हुन ।
‘हामीले सँगै सम्बन्धविच्छेदका लागि निवेदन दिएका छौं । हामी १९ वर्ष सँगै र हाम्रो प्यारी छोरीको लागि कृतज्ञ छौं,’ मारिनले इन्स्टाग्राममा लेखेकी छिन्, ‘हामी अझै पनि मिल्ने साथी हौं, एकअर्कालाई माया गर्ने र माया गर्ने आमाबाबु पनि हौं। हामी परिवारको रूपमा र एकअर्कासँग अबको समय बिताउन चाहान्छौं ।’
उनीहरुका पाँच बर्षकी छोरी छिन ।
सिएनएनका अनुसार उनी संसारकै सबैभन्दा कान्छि प्रधानमन्त्रीको रुपमा गत २०१९ मा निर्वाचित भएकी थिइन । तर, यसपटक भएको आमनिर्वाचन परिणाम उनको पार्टीको पक्षमा नआए पछि उनी स्वतः सरकारवाट बाहिरिदैँ थिइन् ।
