चनौलीमा खुल्ला रक्तदान कार्यक्रम, १११ जनाले गरे रक्तदान
चनौली । जिल्लामा रगतको बढ्दो अभावलाइ कम गर्न पश्चिम चितवनको चनौलीमा आइतबार वृहत रक्तदान कार्यक्रम सम्पन्न भएको छ ।
नेपाल रेडक्रस सोसाइटी चनौली उपशाखाको मुख्य आयोजना सम्पन्न कार्य क्रममा ४१ महिला सहित १११ जनाले रक्तदान गरेकाहुन ।
लायन्स क्लब अफ चनौली,चनौली टोलविकास सस्था, मदनस्मृति सामुदायिक वाचनालय, कल्याण आमा समुह चनौली, हाम्रो युवा क्लव,चनौलीबजार व्यवस्थापन समिति,जापानिज भाषा स्कुल चनौली, जेएमसी वचत तथा ऋण सहकारी र बतास बचत तथा ऋण सहकारी,ब्राम्हण समाज चनाैली,गुञ्जनगर खानेपानी तथा सरसफाइ उपभोक्ता समिती र जुनियर रेडक्रस सर्कल भिमनगर मावि सहयोगी सस्थाको रुपमा रहेको रक्तदान कार्यक्रमको वाग्मति प्रदेश सभा सदस्य माया श्रेष्ठले रेडक्रस सोसाइटी चनौली उपशाखाका सभापति ओमप्रसाद लामिछानेलाई ब्लड ब्याग हस्तान्तरण गरेर कार्यक्रम उद्घाटन गरेकी थिएन ।
उक्त अवसरमा प्रदेस सभा सदस्य श्रेष्ठले चितवनका अस्पतालहरुमा गर्मी बढेसँगै रगतको आवश्यकता बढी हुँदा बिरामीको चाप बढ्ने, तर रक्तदान कार्यक्रम नहुने गर्दा रगतको अभाव देखिने गरेको बताउँदै रगतको अभाव भैरहँदा स्थानीय स्तरमा रक्तदान कार्यक्रमहरुलाई अभियानका रुपमा लानु पर्नेमा जोड दिइन।
कार्यक्रममा नेपाल रेडक्रस सोसाइटी चितवनका सभापती हरीप्रसाद पौडेल, भरतपुर २०का वडाध्यक्ष मुक्तीप्रसाद घले, भरतपुर १८ का वडाध्यक्ष वावुराम राना,जिसस सदस्य कृष्णभक्त भट्टराइ,नेरेसो केन्द्रिय सदस्य् महेन्द्रराज श्रेष्ठ, ,नेरेसो चनौली उपशाखा सभापति ओमप्रसाद लामिछाने, लायन्स क्लब अफ चनौलीका सस्थापक अध्यक्ष राजकुमार श्रेष्ठ,गुञ्जनगर खानेपानी तथा सरसफाइ उपभोक्ता समितिका पुर्वअध्यक्ष एकनारायण पौडेल,लायन्स क्लबका रिजनल चेयरपर्सन रामजी पौडेल, रेडक्रसकर्मी पुरूषोत्तम अर्याल,चनौली उपशाखाका पूर्वसभापति लक्ष्मीकान्त दवाडी, कल्याण आमा समुहकी अध्यक्ष विष्णुमाया पराजुली, भावना श्रेष्ठ लगायतले मन्तव्य राखेका थिए ।
रक्त संकलन समितिका संयोजक कालिका खनालको अध्यक्षतामा कार्यक्रम सम्पन्न भएको कार्यक्रमलाइ नेरेसो चनौली उपशाखाका सचिव चुडामणि पौडेलले सहजीकरण गरेका थिय। उक्त अवसरमा लायन्स क्लब अफ चनौलीले मधुमेय परिक्षण शिविर सञ्चालन गरेको थियो ।परिक्षणमा १५४ जनाको मधुमेय परिक्षण गरीएको सस्थापक अध्यक्ष श्रेष्ठले जानकारी दिए।
