चनौली । लायन्स क्लब अफ चनौलीले संस्थाको वार्षिक अधिवेशन, नयाँ सदस्यहरुलाई स्वागत तथा फेलोसिप कार्यक्रम बिहीबार चनौली बजारमा सम्पन्न गरेको छ ।
कार्यक्रममा डिष्ट्रिक गभर्नर लायन सिद्धार्थलाल चुके प्रमुखअतिथि थिए । सो अवसरमा उनले लायन्स अभियानलाई सशक्त बनाउनका लागि लायन्स क्लब र सदस्यहरु सक्रियरुपमा लागेको भन्दै प्रशंसा गरे । उनले यस क्षेत्रमा सेवाका हातहरुलाई अझ सशक्त बनाउन पनि जोड दिए । चुकेले फेलोसिपले सहकार्य र एकअर्कामा घुलमिल हुने वातावरण सिर्जना भएकोले आगामी दिनहरुमा समेत यस्ता खाले कार्यक्रमहरु गर्दै अगाडि बढ्ने बताए ।
क्लबकी अध्यक्ष विष्णुमाया पराजुलीले आफूलाई जिम्मेवारी दिएकोप्रति आभार प्रकट गर्दै आफ्नो कार्यकालमा सबैको सहयोग र साथ रहनेमा विश्वस्त रहेको बताइन् ।
कार्यक्रममा डिपिजी प्रभातकुमार जोशी, फस्र्ट भिडिजी लीलानाथ न्यौपाने, सेकेन्ड भिडिजी नवराज सापकोटा, सेक्रेटरी राजेन्द्र गौतम, लायन्स क्लबका रिजनल चियरपर्सन सुरेशकुमार श्रेष्ठ, लायन कमलप्रसाद श्रेष्ठ, भरतपुर–२० का वडाध्यक्ष मुक्तिप्रसाद घले, लायन कृष्णबहादुर खड्का, नेपाल रेडक्रस सोसाइटी चनौली उपशाखा सभापति ओमप्रसाद लामिछाने, लायन्स क्लब अफ चनौलीका संस्थापक अध्यक्ष राजकुमार श्रेष्ठ, गुञ्जनगर खानेपानी तथा सरसफाइ उपभोक्ता समितिका पूर्वअध्यक्ष एकनारायण पौडेल, लायन्स क्लबका रिजनल चियरपर्सन रामजी पौडेल, भूमि व्यवस्था आयोग चितवनका सदस्य लक्ष्मीकान्त दवाडी, आरती ढकाललगायतले मन्तव्य व्यक्त गरेका थिए ।
वर्ष २०२३/२४ का निम्ति क्लबको नयाँ नेतृत्वका लागि अध्यक्षमा रञ्जिता न्यौपाने चयन भएकी छन् भने प्रथम उपाध्यक्षमा पवन ढकाल, सचिवमा अमृत न्यौपाने र कोषाध्यक्षमा कालिकाप्रसाद खनाल छानिएका छन् ।
उक्त अवसरमा क्लब गरेको १ महिने वाद्यवादन तालिमको समापन गरिएको थियो भने प्रकाश शर्मालगायतका १८ जना नवप्रवेशी सदस्यहरुलाई सम्मान गरिएको थियो । कार्यक्रममा लायन्स क्लबका पदाधिकारी एवं सदस्यहरुको उपस्थिति थियो ।
