निराजन सिर्पाली / रुकुम पूर्व २०८० जेठ ६ गते :शुक्रबार नेपाल कम्युनिस्ट पाटी नेकपा माओवादी केन्द्र सिस्ने गाउँपालिका वडा नम्बर ८ मा नेकपा माओवादी केन्द्रको पाटी कमिटीको बैठक तथा प्रशिक्षण कार्यक्रम सम्पन्न भएको छ ।
यसअघि लिल्ला समन्वय समिति तथा पालिका स्तरीय बैठकले जिल्ला को तिन ओटै गाउँपालिका तथा सबै वडाहरुमा पाटिको वडा कमिटीको बैठक तथा प्रशिक्षण कार्यक्रम लाई अभियानकै रुपमा चलाउने निर्णय अनुसार शुक्रबार ८ नम्बर पाटी वडा कमिटीको आयोजनामा प्रशिक्षणत्मक कार्यक्रम गरिएको हो ।
पछिल्लो समयमा माओवादी केन्द्रले संगठननातम सुदृढीकरण अभियानलाई निरन्तरता दिइएको जिल्ला समन्वय समिति सदस्य जीवन केसीले जानकारी दिनुभएको छ । त्यहाँ भएका पाटीका समस्या हरु तथा पाटीका राम्रो पक्षको काम र नराम्रो पक्षको कामको समिक्षा तथा अन्तरक्रिया गरिएको उहाँले बताउनुभएको छ ।
कार्यक्रमका प्रमुख अतिथि पूर्व आपूर्ति मन्त्री तथा नेकपा माओवादी केन्द्रका स्थायी कमिटी सदस्य गणेशमान पुनले पछिल्लो समयमा प्रचण्ड सरकारले गरेको काम लाई विरोधि शक्तिहरुले मन नपराएको तथा माओवादी केन्द्रले एक पछि अर्को गर्दै जनता सामु बोलेका कुराहरुलाई काम गरेरै देखाउन सुशासन कायम राख्न , भ्रष्टाचारको अन्त्य तथा अहिलेसम्म भए गरेका भ्रस्टाचारहरुको फाइल खोल्ने काम माओवादी केन्द्र र यसको नेतृत्व पाटीका अध्यक्ष तथा प्रधानमन्त्री प्रचण्डले गरेको बताउनुभएको छ ।
त्यस्तै उहाँले माओवादी एक भएर लागेको र अब सबै एक ढिका भएर भ्रष्टाचार लगायत थुप्रै राम्रो कामको थालनी सरकारले शुरु गरेकाले सबै आआफ्नो ठाउँ तथा क्षेत्र बाट लाग्नुपर्ने अवस्था आएको पुनले बताउनुभएको छ ।
कार्यक्रममा नेकपा माओवादी केन्द्रका स्थायी कमिटी सदस्य तथा पुर्ब आपूर्ति मन्त्री गणेशमान पुनको प्रमुख आथिता रहेको थियो । कार्यक्रममा नेकपा माओवादीकेन्द्रका लुम्बिनी प्रदेश सचिवालय सदस्य तथा सिस्ने गाउँपालिका पूर्वअध्यक्ष कुमारी बराल , सिस्ने गाउँपालिका पूर्व उपाध्यक्ष गोवर्धन बुढा , जिल्ला समन्वय समिति सदस्य जिवन केसी, वडा नम्बर ८ का वडा अध्यक्ष गोपाल पुन , पाटीका वडा इन्चार्ज देविलाल पुन लगायत पाटी कार्यकर्ताहरुको उपस्थिति रहेको थियो ।
