उपेन्द्रलाल कामी : रुकुम पूर्व -भारतीय पानीजहाजबाट कतै यात्रा गर्न गएका यात्रुहरु सुर्योदय भएको बेला जहाजको बराण्डामा आएर समुन्द्रका रमणीय दृश्यहरु हेर्दै गर्दा आमाको हातबाट फुत्केर एउटा सानो बच्चा समुन्द्रमा खसेछ ।
आमाले चिच्याउदै बचाईदिन गुहार मागेपछि पानीजहाजमा रहेका यात्रुहरुको भिडले डुब्दै गरेको बच्चालाई हेरेर भगवानसंग बचाइदिन प्रार्थना मात्रै गर्छन् तर समुन्द्रमा हामफालेर बच्चालाई उतार्ने आँट कसैले पनि गरेका हुदैनन् ।
यसै भिडमा एकजना नेपाली यात्रुलाई कसैले एक्कासि पछाडिबाट धकेलेर बच्चा भएकोे ठाउँमा फालिदिएछ । बिचरा ! त्यो नेपाली यात्रुले आफु बाँच्नकै लागि भएपनि पौडि खेल्दै बच्चालाई पनि काखीमा च्यापेर समुन्द्रबाट उत्रेर पानीजहाजमा आइपुग्दा जहाजमा रहेका यात्रुहरूको भिडले नेपाली यात्रुको जयजयकार गर्न थालेछन् ।
धौधौ आफ्नो र बच्चाको ज्यान बचाउन सफल नेपाली यात्रुलाई भने सार्है झोंक चलेछ र हिन्दीमा गाली गर्दै भनेछ- साला कौन हरामजादे ने पिछे से धक्का मारके मुझे समुन्द्र मे गिरादिया ।!भगवानके कृपा से मुझे और बच्चे कि जान बचगयी ! अर्थात को हरामीले मलाई पछाडिबाट धकेलेर समुन्द्रमा फालिदियो ! भगवाणको कृपाले मेरो र बच्चाको ज्यान जोगियो ।
ठिक यस्तै स्वबिवेकले होइन कि बाध्यात्मक अवस्थाले भ्रष्टाचार बिरुद्धको कदमलाई अगाडि बढाइएको हो भने उहीँ पानीजहाजको नेपाली यात्रुको अवस्था चरितार्थ हुनेछ । साँच्चिकै हिम्मत गरेरै यो अभियानमा हाम फालेको हो भने बरु मर्न तयार हौं तर आफ्नै पार्टी भित्रका भ्रष्टाचारीहरुलाई पनि नछाडेर श्रमकैदमा पठाउँ ।
देश खोक्रो पार्ने धमिराहरुलाई ठेगान लगायौ भने मात्र युग-युगसम्म तिमीलाई नेपाली जनताले सम्मान गर्नेछन् । दुईचार दिनको जादू मात्र देखाउन खोजेको हो भने बियोगान्त प्रहसनका पात्र मात्रै साबित हुनेछौ ।
