माडी । चितवनकै विकट र अति सिमान्तकृत समुदायको बसोबास रहेको माडी ९ को गोविन्दबस्तीमा वृहत् स्वास्थ्य शिविरको आयोजना गरिएकोछ।

चितवन रोटरी क्लब र चितवन रोट¥याक्ट क्लबको संयुक्त आयोजनामा सम्पन्न स्वास्थ्य शिविरमा ३०६ जना स्थानीय नागरिक लाभान्वित भएका थिए।
स्वास्थ्य शिविरमा माडी नगरपालिकाका मेयर ताराकुमारी काजी महतो,माडी नगरपालिका–९ का अध्यक्ष घनश्याम दवाडी,रोटरी क्लबका पूर्वअध्यक्ष तथा रोटरी डिष्ट्रिक्ट ३२९२ का सल्लाहकार परिषद् सदस्य उत्तमलाल चुके,चितवन रोटरी क्लबका अध्यक्ष दीपक प्रधान र चितवन रोट¥याक्टका अध्यक्ष अच्युत न्यौपाने,चितवन रोट¥याक्टका पूर्वअध्यक्ष निरज खनाल,चितवन रोट¥याक्ट क्लबका अध्यक्ष अच्युत न्यौपाने, क्लबका सचिव राजन पिया, विक्रम शाहा लगायतले मन्तव्य व्यक्त गरेका थिए।

भरतपुर अस्पतालका रजिष्टर नर्सहरूद्वारा रक्तचापको परीक्षण गरेर सुरु भएको स्वास्थ्य शिविरमा भरतपुर केन्द्रीय अस्पतालका वरिष्ठ विशेषज्ञ डाक्टरबाट हाडजोर्नी सम्बन्धी परीक्षण, सामान्य स्वास्थ्य परीक्षण, मधुमेहको परीक्षण, श्वासप्रश्वाससम्बन्धी जाँच तथा ईसीजी सेवाको पनि सुविधा उपलब्ध गरिएको थियो ।

चितवन डेण्टल होमका वरिष्ठ दन्तरोग विशेषज्ञ हरूबाट दन्त परीक्षण गरिएको स्वास्थ्य शिविर गोविन्दबस्ती आधारभूत विद्यालयमा भएको थियो ।