मस्को, ९ साउन । युक्रेनले मस्कोमा ड्रोन आक्रामण गरेको छ ।
रुसले सोमबार युक्रेनले मस्कोमा ड्रोनबाट गरेको आक्रमणलाई आफ्नो हवाई प्रतिरक्षा प्रणालीले विफल पारेको बताएको छ ।
रुसी रक्षा मन्त्रालयले यसलाई आतंकवादी हमला भनेको छ । रुसका अनुसार युक्रेनले मस्कोमा आतंकवादी हमलाका लागि २ ड्रोन पठाएको बताएको छ । आक्रमणमा कसैलाई पनि चोटपटक लागेको छैन ।
मस्कोका मेयर सर्गेई सोब्यानिनले दुईवटा गैर आवासीय भवनमा बिहान ४ बजे आक्रमण भएको बताए। युक्रेनका राष्ट्रपति भोलोडिमिर जेलेन्स्कीले एक दिनअघि रुसबाट बदला लिने कुरा गरेपछि मस्कोमा यो हमला भएको हो । वास्तवमा ग्रेन डीलबाट बाहिरिएपछि रूसले गत हप्ता ब्ल्याक सी नजिकैको ओडेसाको युक्रेनी बन्दरगाहमा आक्रमण गर्यो।
जेलेन्स्कीले भनेका थिए– उनीहरू (रूस) ले पनि त्यस्तै महसुस गर्नेछन् जसरी हामीले गरिरहेका छौं।’
रुसी समाचार एजेन्सी टासका अनुसार एउटा ड्रोन रुसको रक्षा मन्त्रालय नजिकको कोम्सोमोल्स्की प्रोस्पेक्टमा खसेको थियो भने अर्को लिखाचेभा स्ट्रिटको व्यापारिक केन्द्रमा खसेको थियो । यसपछि रक्षा मन्त्रालयले विज्ञप्ति जारी गर्दै युक्रेनी दुई ड्रोन खसालेको बताएको हाे।
