८ नोभेम्बर, सिड्नी : अष्ट्रेलियामा सिंगापुर टेलिकम्युनिकेशन लिमिटेड सिन्ग्टेल द्वारा संचालित अप्टसको नेटवर्कमा समस्या उत्पन्न हुँदाअष्ट्रेलियाभरका अस्पतालहरू, सार्वजनिक यातायात र व्यवसायहरूलाई असर परेका कारण आज बुधबार कम्तिमा सात घण्टासम्म कल गर्न वा प्राप्त गर्न वा इन्टरनेट प्रयोग गर्न असमर्थ भएका छन्।
अप्टसको नेटवर्क प्रयोग गर्ने अन्य इन्टरनेट सेवा प्रदायकहरु अमेसिम, भाया, अस्सी ब्रॉडब्यान्ड, मूस मोबाइल, कोल्स मोबाइल, स्पिन्टेल, साउदर्न फोन, गोमो र डोडो मोबाइल जस्तामा बिहान ४ बजेदेखि देखिएको समस्यामा उत्पन्न भएको सिड्नी मर्निङ्ग हेराल्डले लेखेको छ।
अप्टसको नेटवर्कमा प्राविधिक समस्याका कारण झन्डै १०.२ मिलियन अष्ट्रेलियनहरु समस्यामा परेका हुन्। कम्पनीका मालिक केली बेयर रोजमारिनले प्रयोगकर्तामा पुग्न गएको समस्यामा क्षमा मागेकी छिन्। रेडियो एबिसी सिड्नी संग कुरा गर्दै उनि भन्छिन्, “हामी साँच्चै, साँच्चै क्षमाप्रार्थी छौं र हाम्रो जडान आज तल गएकोमा क्षमाप्रार्थी छौं, टोलीहरू प्रयास गर्न र प्राथमिकताको रूपमा सेवाहरू पुनर्स्थापना गर्न ठूलो प्रयासका साथ काम गरिरहेका छन्। र हामी यसमा काम गरिरहनेछौं जबसम्म सबैजना कार्यमा फर्किदैनन्” ।
“ प्राविधिक टोलीले पुनर्स्थापनाका धेरै प्रयास गरेको छ। अहिलेसम्म हामीले आशा गरेका नतिजाहरू पाएका छैनौं, “बायर रोजमारिनले भनिन्।
अप्टस नेटवर्क संग जोडिएका देशभरनै अत्यावश्यक सेवाहरु जस्तै बैंकिंग, अस्पताल अवरुद्ध हुँदा करोडौं अष्ट्रेलियनहरु समस्यामा परेका हुन् भने सेवा प्रदायक यो समस्या समाधानका लागि निरन्तर लागिपरेको पनि अन्य संचार माध्यमहरु संग जनाएका छन्।
