२७ डिसेम्बर, सिड्नी : अष्ट्रेलियामा आइटी अध्ययन गरिरहेका विद्यार्थीहरुका लागि जब रेडी प्रोग्राम अध्यापन गराउँदै आइरहेको टेकस्किल्ल्स इन्स्टिच्युटले नेपाली समुदायको बाहुल्य रहेको रकडेलमा आफ्नो तेस्रो शाखाको उद्घाटन गर्ने भएको छ। सिड्नीमा नर्थ स्ट्राथफिल्ड र मेलबर्नबाट सेवा दिँदै आइरहेको इन्स्टिच्युटले अब देखि भने नयाँ ठाउँबाट सेवा दिन लागेको इन्स्टिच्युटका अप्रेसन म्यानेजर अनिल परियारले बताए।
आइटी क्षेत्रमा करिअर बनाउन चाहाने विद्यार्थीहरुलाई सहयोग गर्दै आइरहेको टेकस्किल्ल्सले पछिल्लो ४ महिनामा ६७ जना विद्यार्थीहरुलाई आइटी क्षेत्रमा जागिर पाउन सहयोग गरेको परियारले बताए। कम्प्युटरको बारेमा कुनैपनि कुरा नजानेको र आइटी क्षेत्रमा सिकेर केहि गर्छु भन्ने हरुको लागि पनि टेकस्किल्ल्सले सहयोग गरेर आफ्नो लक्ष्य पुरा गर्न सहयोग गर्ने उनले बताए।
अष्ट्रेलियाको आइटी क्षेत्रमा अवसर नै अवसर रहेको र काम गर्नको लागि चाहिने सम्पूर्ण कुराहरुमा विद्यार्थीहरुलाई उचित सिप केन्द्रित तालिम प्रदान गर्दै उनीहरुको भविष्य सुनिस्चित गर्न आँफूहरु लागिरहेको पनि उनले बताए।
टेकस्किल्ल्स इन्स्टिच्युटको नयाँ शाखाको उद्घाटन २९ तारिक शुक्रबार रकडेलको ६-१० जीभ्स स्ट्रिटको ग्राउन्ड फ्लोरमा हुने संस्थाले बताएको छ।
