विनोद अधिकारी, चितवन , मंसीर १९ :  मध्य नेपालमा अवस्थित पुर्व पश्चिम राजमार्ग को व्यस्त सहर भरतपुर बजारमा जेब्रा क्रस भेट्टाउन मुस्किल पर्छ । जिल्लाका मुख्य सरकारी कार्यालय रहेको भरतपुर बजारमा जेब्राक्रसको व्यवस्था हुन नसकेको भन्दै सर्वसाधारण गुनासो गर्छन् ।

बाटो विस्तारको बहानामा भरतपुरका मुख्य सडकका जेब्राक्रस मेटिएको र जेब्राक्रसमै दुर्घटना घटेको पनि धेरै वर्षौ भयो । लामो समय देखि जेब्राक्रस अलपत्र पर्दा पनि सरोकारवाला निकायले चासो देखाएको पाइदैन । सडक विस्तारको नाममा जेब्राक्रसको निर्माण गर्न चासो नदेखाएको भन्दै भरतपुर निवासी गंगा गुरुङ दुखेसो व्यक्त गर्नुहुन्छ । सडक पार गर्न कठिनाइ भएको बताउदै गुरुङ भन्नुहुन्छ, “अलि अलि देखिएको जेब्राक्रसमा बाटो काट्दा बाइक गाडीहरू तिव्र गतिमा आउदा बाटो काट्न नसकेको र जेब्राक्रसमा समेत सवारीसाधन नरोकिदा त्रास उत्पन्न हुन्छ ।” महानगर भएसँगै स्मार्ट सिटि उपनाम दिएको भरतपुरमा सडक निर्माणमा प्राथमिकता दिएको महानगर स्रोत दाबी गर्छ तर जेब्राक्रस जस्तो संवेदनशील क्षेत्रमा महानगरले चासो दिएको छैन । अलि अलि देखिएको जेब्राक्रर्सबाट सडक पार गर्दा दुर्घटनाको मुखबाट बचेको गितानगरबासी होम बहादुर कंडेल बताउनुहुन्छ । कंडेल भन्नुहुन्छ,”हस्पिटल जान बाटो काट्ने ठाउँमा जेब्राक्रस छैन अस्पताल जस्तो संवेदनशील क्षेत्रमा जेब्राक्रस नहुदा गाडिको ठक्करबाट झण्डै मेरो ज्यान गएको तर मेरो भाग्य बलियो रछ म अलि कुदेर अगाडि गइहाले” कंडेललाई महानगरलाइ सुझाव दिँदै यदि थप्नुहुन्छ, “महानगरले नसक्ने हो भने म मेरो व्यक्तिगत खर्चले जेब्राक्रस हाल्न तयार छु मलाइ अनुमती दिनुस् ।”

यी घटना त प्रतिनिधि मात्रै हुन् । जेब्राक्रस मै बसले मान्छेलाइ ठक्कर दिएर मृत्यु भएको समाचार सुनेको धेरै वर्ष पनि भएको छैन । महानगर भएसंगै भरतपुर बजारमा बसाइ सर्ने र निजि सवारी साधन चलाउनेको संख्या अधिक मात्रामा बढेको छ । सवारी साधन नियन्त्रण गर्न र सर्वसाधारणलाई बाटो काट्न जेब्राक्रस पनि नभएको र उचित ट्राफिक लाइटको व्यवस्था पनि नभएको सवारी चालकहरु बताउन्छन् । आफुले सवारी सिक्दा जेब्राक्रस मा रोकिने र ट्राफिक लाइटको अर्थ बुझेको बताउदै त्यो कार्यन्वयन कहाँ गर्ने भन्दै सवारी चालक उल्टै प्रश्न गर्छन् । आफुलेहरुले पटक पटक महानगरलाई ध्यानाकर्षण पत्र बुझाए पनि सरोकारवाला निकाय कानमा तेल हालेर बसेको उनीहरूको गुनासो छ । सडक विस्तारको बहानामा जेब्राक्रस बनाउन आनाकानी गरेको बताउनुहुन्छ म्याजिक चालक अम्बर सुवेदी, “महानगरलाई पटक पटक ध्यानाकर्षण बुझाइयो उत्तरमा सडक विस्तार पछि यो सबै समस्याको हल हुन्छ भन्ने मात्र आउन्छ, सडक विस्तार हुन समय लाग्छ अझै अहिले तत्कालको लागि नभएको मामा भन्दा कानो मामै ठिक भने झै काम चलाउ जेब्राक्रस बनाउनुहोस भन्दा महानगर मान्दैन” सुवेदी गुनासो गर्नुहुन्छ ।

सड्क विस्तार हुन समय लाग्ने तर त्यो भन्दा अघि वैकल्पिक रुपमा जेब्राक्रसलाइ बनाउन सके यात्रु, सवारी चालक र ट्राफिक प्रहरीलाई सहज हुने सुवेदि बताउनुहुन्छ ।