नेपाली कांग्रेसका महामन्त्री गगन थापाले पार्टीलाई रुपान्तरण र देशला बदल्न युवा नेताहरू एक ठाउँमा उभिएको बताएका छन् ।
मंगलबार संसदीय दलको नेतामा उम्मेदवारी दर्ता गरेपछि पत्रकारहरूसँग कुराकानी गर्दै थापाले उपसभापति धनराज गुरुङ, महामन्त्री विश्वप्रकाश शर्मा, नेता प्रदीप पौडेल र आफू एक ठाउँमा उभिएकाले पार्टी रुपान्तरणसँगै देश पनि बदल्ने बताएका हुन् ।
‘स्थायित्वको निरन्तरता र परिवर्तनको कुरा डा. शेखर कोइरालाले मनन गर्नुभएको छ, ‘उनले भने, ‘ धनराज, विश्वप्रकाश, प्रदीप र म एक ठाउँमा उभिएका छौँ । अब पार्टीलाई रुपान्तरण गर्छौं र देश पनि बदल्छौँ ।’
उनले पार्टीको भविष्यका लागि पनि अब पुराना नेताहरूले युवा पुस्तालाई अगाडि सार्नुपर्ने बताए ।
