पेसागत हकहितका निम्ति भइरहेको शान्तिपूर्ण कार्यक्रमलाई कमजोर बनाउन षडयन्त्रपुर्वक तरिकाले फार्मेसी स्टोरमा कार्यरत नन-फर्मासिस्टको पहल कदमीमा भरतपुर अस्पतालमा कार्यरत फर्मासिस्ट शैलेश बसेलको सरुवा काठमान्डौ स्थित औषधि व्यवस्था विभागमा गरिएको प्रति आन्दोलनरत फार्मेसी पेसाकर्मीहरूले विज्ञप्ति जारि गरेका छन्।
उक्त शान्तिपूर्ण धर्ना कार्यक्रमको संयोजन गरिरहेका भरतपुर अस्पताल फार्मेसी स्थित सातौँ तह अधिकृत करार (मन्त्रालय) फर्मासिस्ट शैलेश बसेलको विभागले कुनै पुर्व जानकारी बिनानै कर्मचारीको प्रभावमा परि सरुवा भएकोमा आशंका व्यक्त गरेका छन्। “जहाँ औषधि त्यहाँ फर्मासिस्ट” भन्ने विश्वव्यापी मूलमन्त्रको अक्षरस कार्यन्वयन सम्बन्धमा पटक पटक भरतपुर अस्पतालका प्रमुख समक्ष मौखिक जानकारी गराइएको हुँदा पनि फार्मेसी संचालन निर्देशिका ऐन नीति नियम कार्यविधि विपरित हुने कुनै अन्य पेशाका पेशाकर्मिलाई फार्मेसी जस्तो संबेदनशील शाखामा राख्नु पनि गैर कानुनी रहेको संयोजक बसेलले जानकारी दिए।
नीति नियम विपरित मनोमानी शक्ति केन्द्रहरुको आडमा भरोसामा रही विभागले अनाधिकृत हिसाबले निर्णय गरेको पनि उनले जिकिर गरे। उक्त फार्मेसी व्यवस्थापन सम्बन्धमा तयार पारिएको भ्रमण अध्ययन प्रतिवेदनमा उल्लेख भए अनुसारको व्यवस्था मिलाउनका लागि समेत पटक पटक सचेत गराउँदै, छलफल गर्दा गर्दै कार्यन्वयन हुन नसकेको बिषयमा पनि उनले खेद प्रकट गरे। निरन्तर रुपमा आफ्नो पेशागत हितका लागि विगत ७ महिना देखि लड्दै आइरहेका फर्मासिस्टहरुले अस्पतालका प्रमेसु ज्यु संग गरेका छलफल एवं नेपाल सरकारको ऐन/नीतिगत निर्णयको सम्बन्धमा कुनै विषय कार्यन्वयनमा नलैजानुले उनीहरुको गम्भीर ध्यानाकर्षण भएको बताएका छन्।
उनीहरुले राखेका मागहरु :
१. जहाँ औषधि त्यहाँ फर्मासिस्ट भन्ने विश्वव्यापी नाराको अक्षरस कार्यन्वयन
२. फार्मेसी व्यवस्थापनका लागि प्र मे सु समक्ष पेश गरिएका भ्रमण अध्ययन प्रतिवेदन तत्काल लाग्नु गर्नुपर्ने
३.अस्पताल फार्मेसी स्टोरको जिम्मेवार पदमा Non – Pharmacist राख्न नपाइने
४. नेपाल सरकार स्वास्थ्य तथा जनसंख्या मन्त्रालयले तोकेको फार्मेसी जनशक्तिको कर्यविवरण (ToR) अनुसार जिम्मेवारी तत्काल दिइनुपर्ने।
५ Right Man In Right Place को अवधारणा अनुसार विज्ञताको कदर गर्नुपर्ने
यसरी ५ औं दिन देखि काम यथावत रुपमा गर्दै दैनिक एक घण्टा कार्यालय परिसर अगाडी धर्ना दिंदै आइरहेका फार्मेसी कर्मचारीको यो अभियान कार्यन्वयन नभए सम्म नरोकिने पनि बसेलले बताए।
