बि पी कोइराला स्वास्थ्य विज्ञान प्रतिष्ठानमा कार्यरत सम्पूर्ण कर्मचारी, टिचिंग फ्याकल्टी सहित बिद्यार्थीहरु आन्दोलनमा उत्रेका छन्। प्रतिष्ठानमा भएका बेथितिबारे आज उपकुलपति कार्यालय अगाडि उपस्थित भएर शान्तिपूर्ण आन्दोलनमा सरिक भएका हुन्।

हिजो नै प्रतिष्ठानका उपकूलपति प्रा. डा. ज्ञानेन्द्र गिरीले हिजो विज्ञप्ति जारि गर्दै ३ दिन भित्र स्पष्टीकरण दिन माग गरेका थिए। अर्थोपेडिक सर्जन एसोसिएट प्रोफेसर डा बिष्णु पोखरेललाई प्रतिष्ठानको छविमा आँच आउने तरिकाले सामाजिक संजालमा संलग्न भएकोले स्पष्टीकरण माग गरिएको थियो भने डा पोखरेलले आधिकारिक पत्र प्राप्त नगरेको पनि बताएका थिए।
जानकारहरु बताउँछन् प्रतिष्ठानमा चरम भ्रस्टाचार रहेको र रास्ट्रिय गौरवको शैक्षिक संस्था धरासायी बन्दै गएको छ।

शान्तिपूर्ण आन्दोलनरत चिकित्षक, रेजिडेन्ट, कर्मचारी र बिद्यार्थीहरुको माग :

१. फ्याकल्टी वेलफेयरका अध्यक्षलाई सोधिएको स्पष्टीकरण विनाशर्त २४ घण्टा भित्र फिर्ता लिनुपर्ने र बिना जायज कारण स्पष्टीकरण सोधिएकाले माफी समेत माग्नुपर्ने
२. राष्ट्रिय संचार माध्यम र जनसरोकार मार्फत यस प्रतिष्ठानको बारेमा उठेका अनियमितता, भ्रस्टाचार लगायत बेतिथिको बारेमा छानबिन गर्न प्रशासन समेतको संग्लनतामा सबै पक्ष सहभागितामा उच्चस्तरीय शक्तिशाली समिति बनाउने र सो को
सुझाव तत्काल लागु गरिनुपर्ने

समाचार अनुसार पुर्व झापामा रहेको बि एण्ड सी अस्पतालको स्वार्थमा प्रतिष्ठानलाई डुबाउन खोजिएको पनि जानकारी पाइएको छ।

फोटो ? : अमृत जैशी