भरतपुर । जिल्ला ट्राफिक कार्यालय चितवनले नारायणगढ मुग्लिङ सडक खण्डमा सवारी चलाउँदा सतर्कता अपनाउन सबैमा आग्रह गरेको छ । नारायणगढ मुग्लिन सडक यतिबेला दुईतर्फी नै सञ्चालनमा आइरहेको छ ।
अविरल वर्षाको कारण सेतीदोभान, १४ किलो, १७ किलो, ५ किलो, ४ किलो, जलविरे सडकमा अझै पनि पहिरो खस्ने डर भएको हुँदा सावधानी अपनाएर सवारी चलाउन ट्राफिक प्रहरी कार्यालयले सबैमा आग्रह गरेको हो ।
प्रहरीका अनुसार सडक खण्ड सुचारु भए पनि संवेदनशील स्थानहरुमा पानी पर्दाको समयमा सडकको माथिबाट लेदो सहितको ढुङ्गा खस्ने भएकोले सचेत तथा संवेदनशील भई यात्रा गर्न जिल्ला ट्राफिक प्रहरी कार्यालय भरतपुरले सबैमा हार्दिक अनुरोध गरेको छ ।
