नेपाल औषधि उत्पादक संघको अध्यक्षमा प्रज्वलजंग पाण्डे निर्वाचित भएका छन्।
संघको आइतबार सम्पन्न २७ औँ अधिवेशनबाट पाण्डे सर्वसम्मत रुपमा अध्यक्षमा निर्वाचित भएका हुन्।
यसअघि संघको अध्यक्षमा जी नारायण बहादुर क्षेत्री निर्वाचित भएका थिए। यस्तै वरिष्ठ उपाध्यक्षमा महेश प्रधान, उपाध्यक्षमा सन्तोष बराल, महासचिवमा विप्लव अधिकारी, कोषाध्यक्षमा प्रभात रूंगटा निर्वाचित भएका छन्।
सदस्यहरुमा पृथ्वीराज भण्डारी, सुदर्शन खैगुली, दिपक टिवटेवाल, सुदिप प्रधान र गणेश पाठक निर्वाचित भएको संघका नव निर्वाचित उपाध्यक्ष सन्तोष बरालले जानकारी दिए। संघमा दुई वर्षका लागि नयाँ नेतृत्व चयन भएकाे हाे।
