नेपाली कांग्रेस चितवनको जिल्ला अधिवेशन स्थगित भएको छ ।
नेपाली कांग्रेस चितवनको बैठकले सर्वसम्मतबाट आज शुक्रबार र भोलि शनिबारका लागि तोकिएको जिल्ला अधिबेशन स्थगित गरेको हो ।
प्रदेश अधिवेशन पछि गर्ने गरी सार्न निर्वाचन समितिलाई सिफारिस गरिएको र सोही आधारमा निर्वाचन समितिले जिल्ला अधिवेशन स्थगन गरेको कांग्रेस चितवनले जनाएको छ ।
भोलि १० गते नेकपा एमालेको केन्द्रीय अधिवेशनको उद्घाटन नारायणगढमा हुने हुदा स्थानीय प्रशासनले बिहान १० देखि ३ बजेसम्म नगरमा यातायात प्रवेशमा रोक लगाएका कारणले उम्मेदवारले मनोनय दाखिला गर्न समस्या हुने भएकाले अधिवेशन स्थगित गर्नु परेको कांग्रेसले जनाएको छ । पहिलो चरणमा निर्वाचन नसकिने सभ्भावना भएको समय बढ्न सक्ने देखिएकाले आवासमा समस्या रहेको कांग्रेसको निष्कर्ष छ ।
