पहिलो खोप लगाइसकेका १८ वर्ष माथिकालाई भेरोसेल/ एस्ट्रजेनेकाको दोस्रो डोज खोप लगाउन आउन भरतपुर महानगरपालिका वडा नं २० ले अनुरोध गरेको छ। वडाका स्वास्थ्य शाखा प्रमुख गणेश रेग्मीका अनुसार कार्तिक १५,१६ र २५ गते वितरण भएको पहिलो डोज खोप लगाउने सम्पूर्णलाई खोप कार्ड सहित दोस्रो डोज लगाउन आउन अनुरोध गरेका हुन्। भोलि १४ गते देखि १६ गते सम्म चल्ने खोप कार्यक्रममा मास्कको अनिवार्य प्रयोग गरि भौतिक दुरी कायम गर्दै उपस्थित हुन पनि रेग्मीले अनुरोध गरेका छन्।
साथै भेरोसेल लगाउनेलाई २१ दिनको फरक पारेर मात्र खोप लगाउन उपस्थित हुन जानकारी पनि दिएका छन्।
