नेपाली कांग्रेसको सभापति चयनका लागि पुनः मतदान हुने भएको छ । पार्टीको निर्वाचन समितिका अनुसर दोस्रो चरणमा हुने मतदान सभापतिका लागि देउवा र कोइरालाबीच भिडन्त हुने, र मतदान पनि आजै गर्ने तयारी गरिएको छ ।
मंगलबार बिहान सकिएको मतगणनाअनुसार सभापतिका उम्मेदवार शेरबहादुर देउवाले अरुले भन्दा बढी मत पाए तर बुहमत पुर्याउन सकेनन् । कांग्रेसको विधान अनुसार सभापतिमा निर्वाचित हुन बहुमत अर्थात ५१ प्रतिशत मत ल्याउनुपर्छ ।
दोस्रो चरणमा सबैभन्दा धेरै मत ल्याउने देउवा र दोस्रो हुने डाक्टर शेखर कोइरालाबीच प्रतिस्पर्धा हुने छ । सोमबार भएको मतदानमा ४६७९ मत खसेको थियो । जसमा देउवाले २२५८ मत ल्याए भने १७४९ मत पाए ।
सभापतिमा निर्वाचित हुन २३४० मत चाहिन्थ्यो । देउवालाई सभापति निर्वाचित हुन ८३ मत पुगेन ।
