‘स्टडी इन अष्ट्रेलिया’ भन्ने मूल नाराका साथ भोलि मंगलबार एजुकेशन प्लानेटले (ई-प्लानेट) अष्ट्रेलियन शैक्षिक सूचना दिवस अर्थात् “इन्फर्मेसन डे” को आयोजना गर्ने भएको छ। भोलि २७ गते बिहान १०:३० बजेदेखि साँझ ४:३० बजेसम्म भरतपुर ओरालो स्थित भरतपुर गार्डेन रिसोर्टमा उक्त कार्यक्रम आयोजना हुन लागेको आयोजक संस्थाले बताएको छ।

कार्यक्रम कक्षा ११ र १२ मा अध्ययन विद्यार्थीहरू लक्षित हुनेछ भने कक्षा १२ को परीक्षा सकेर बसेका विद्यार्थीहरूको लागि पनि उपयुक्त हुने इ-प्लानेटका कार्यकारी निर्देशक नयन लामिछाने बताउँछन्। उनी यसबाहेक कार्यक्रममा स्नातक र स्नातकोत्तर गरिरहेका विद्यार्थीहरूको समेत राम्रो सहभागिता हुनेमा सकारात्मक छन्।
यो शैक्षिक मेलामा अष्ट्रेलियामा विभिन्न विषयमा पढ्न चाहने विद्यार्थीहरूको लागि सल्लाह दिन अस्ट्रेलियाका २५ वटा भन्दा बढी विश्वविद्यालय तथा कलेजका प्रतिनिधिले सहभागिता जनाउने छन्।

इन्फर्मेसन डे मा छात्रवृत्ति, पोष्ट स्टडी वर्क (अध्ययन पछि काम) र रिजनल क्याम्पस (क्षेत्रीय क्याम्पस) का बारेमा पनि जानकारी दिइनेछ। त्यस्तै सहभागीहरूलाई नि:शुल्क आइएल्टिएस कक्षाहरू तथा निशुल्क मोक टेस्ट पनि उपलब्ध गराइनेछ साथै सहभागी मध्ये “बेस्ट इनक्वाइरी” गर्नेलाई रिवार्डको समेत व्यवस्था गरिएको आयोजक बताउँछ।

कार्यक्रममा सहभागी विद्यार्थीहरुलाई सरप्राइज गिफ्ट ह्याम्पर्स देखि छात्रवृत्तिको समेत व्यवस्था गरिएको छ। अस्ट्रेलिया उच्च शिक्षा अध्ययन गर्न चाहाने विद्यार्थीहरुले विश्वविद्यालयका प्रतिनिधिहरुलाई प्रत्यक्ष भेटेर सम्पूर्ण जानकारी लिन पाउने छन् भने उत्कृस्ट विद्यार्थीले आकर्षक छात्रवृत्ति पनि पाउने छन्।

हिजो ९ तारिखको दिन काठमान्डौमा आयोजना भएको यो “इन्फर्मेसन डे” भोलि चितवनमा हुन लागेको हो । सहभागी हुन चाहाने विद्यार्थीले यो लिंकमा फर्म भरेर सहभागी हुन सक्नेछन।