शैक्षिक परामर्शदाता ई-प्लानेटकाे काठमान्डाै र चितवनमा गरि दुईदिने शैक्षिक परामर्श सम्पन्न भएको छ । २५ गते काठमान्डाै र चितवनमा आज २७ गते भरतपुर गार्डेन रिसोर्टमा सम्पन्न उक्त कार्यक्रममा दुई ठाउँमा गरेर झन्डै ५०० विध्यार्थीले परामर्श लिएको आयोजक संस्थाले जनाएको छ ।                                                       कोभिडको तेस्रो लहर सुरुवात हुनै लाग्दा चितवनमा भिँडभाड हुने कार्यक्रम स्थगित गर्न प्रशासनले कडाइसाथ निर्देशन दिएको अवस्थामा यत्तिको सहभागी हुनु उत्साहजनक नै रहेको ई- प्लानेट चितवनका मार्केटिङ म्यानेजर मोहन अधिकारीले चित्रवन खबरलाई जानकारी दिनुभएको छ ।                                                   झन्डै १५ भन्दा बढी अस्ट्रेलियाका कलेज तथा विश्वविध्यालयका प्रतिनिधिद्वारा प्रत्यक्ष परामर्श लिन पाउँदा विध्यार्थीहरु पनि लाभान्वित भएको कार्यक्रमको संयोजन गर्ने कम्युनिकेट मिडियाका इभेन्ट म्यानेजर मनोज न्यौपानेले बताउनु भएको छ ।