चितवन भरतपुर स्थित भरतपुर अस्पतालमा कार्यरत डा राजन पाण्डेले मेसु बाट राजिनामा दिएका छन्। पुर्व मेसु डा श्रीराम तिवारी पछि दुई महिना अगाडी मात्र नियुक्त भएका पाण्डेलाई काम गर्न असहज भएपछि राजिनामा दिएको उनका निकट व्यक्तिहरुले बताएका छन्।

सरोकार अनलाइन बाट साभार गरिएको समाचार :

भरतपुर अस्पतलाका प्रमुख मेडिकल सुपेरीटेण्डेण्ट डा. राज पाण्डेले राजिनामा दिएका छन । अस्पतालको विकास गर्ने जिम्मेवारी बोकेका पाण्डे दुई महिना कटेपछि जिम्मेवारीबाट पछि हटेका छन । बुधवार उनले स्वास्थ्य मन्त्रालयमा राजिनामा दिएका हुन । अस्पताल भित्रको राजनिती र खिचातानीको कारण उनले राजिनामा दिएका हुन ।
अस्पतालको ब्यवस्थापनको जिम्मेवारीमा उनी असफल भएका छन । उनले तिहार अघि नै राजिनामा दिने तयारीमा थिए । आफुले ब्यवस्थापनको पक्ष भन्दा उपचारको क्षेत्रमा रमाउने कारण राजिनामा दिएको बताए । ‘ म फिजिसियन हुँ मलाई विरामीको उपचारमै रमाईलो लाग्छ । ब्यवस्थापनको पाटोमा मन रमाएन ’ पाण्डेले सरोकार अनलाइनसंगको कुराकानीमा भने ‘ मेरो नियमित जिम्मेवारी भनेको विरामीको उपचार हो त्यसैमा लाग्छु ’ ।
पाण्डेले भरतपुर अस्पतालका डा. जगन्नाथ तिवारीलाई निमित्त प्रमुखको जिम्मेवारी दिएर विदामा बसेका छन । उनले भरतपुर अस्पतलामै काजमा रहेर काम गर्न चाहेको बताए ।
भरतपुर अस्पतालको विकासको लागी जिम्मेवारी पाएका पाण्डे असफल भए । अस्पताल विकासका लागी उनले काम गर्न नसकेको भन्दै उनको टिप्पणी हुने गरेको थियो । अस्पतालको ब्यवस्थापनको पाटो सम्हाल्न नसकेपछि उनले राजिनामा दिएका हुन । पाण्डे भदौको २८ गतेदेखी हाजिर भएका थिए ।

राजनैतिक नियुक्तिबाट मेसुको पदस्थापन हुने भएकाले भरतपुर अस्पतालमा काम गर्छु भन्नेहरुलाई पनि असफल बनाउन खोज्नेहरुको राजनैतिक मण्डले हरुले अफ्ठ्यारो पार्ने अस्पताल निकट कर्मचारी बताउँछन् ।

अस्पताल निकट रहेर काम गरिरहेका एक व्यक्तिका अनुसार अस्पतालका केहि कर्मचारी (पार्टीको मण्डले) हरुले नै राजनीतिको खोल ओडेर मेसुको कार्यकाल असफल बनाउन काम गरिरहेको आँफु निकट मेसु ल्याउनको लागि लबिङ्ग गरिरहेको पनि बताएका छन्। उनका अनुसार अस्पतालमा कार्यरत अर्थोपेडिक सर्जन डा कृष्ण पौडेल र पुर्व अस्पतालमा काम गरिसकेका मेसु (हाल बकुलहर अस्पतालमा कार्यरत) विश्व बन्धु बगालेलाई पनि ताकेता गरिरहेको कुरा पनि उल्लेख गरेका छन्।