अस्ट्रेलियाका प्रधानमन्त्री स्कट मोरिसनले संसद्की पूर्व कर्मचारीमाथि भएको यौन दुर्व्यवहारका लागि माफी मागेका छन् । ती कर्मचारीले आफूलाई बलात्कार गरिएको बताएकी थिइन् । एक अनुसन्धानले संसद्को आधा कर्मचारीले अत्याचार, हैरानी वा यौन हिंसा अनुभव गरेको पत्ता लगाएको थियो ।
प्रधानमन्त्री मोरिसनले मंगलबार संसद्मा बोल्दै माफी मागेका हुन् । पूर्व कर्मचारी ब्रिटनी हिगिन्सले ‘दुःस्वप्न’ सहनु परेकोमा दुः व्यक्त गरे र अझ राम्रो गर्ने वाचा गरे ।
“म दुःखी छु । हामी क्षमाप्रार्थी छौँ,” प्रधानमन्त्रीले भने । “म हिगिन्सलाई यहाँ भएका डरलाग्दो कुराहरूका लागि माफी चाहन्छु ।”
हिगिन्सले प्रधानमन्त्रीको सम्बोधन आफ्नै आरोपहरूसहित सार्वजनिक भएका तीनजना पूर्व कर्मचारी साथै दुई महिला अधिकारकर्मीको बीचमा बेसेकी उनले पब्लिक ग्यालरीबाट हेरेकी थिइन् ।
आफूहरूलाई आमन्त्रण नगरेको बारेमा ट्विट गरेपछि उनीहरूलाई औपचारिक स्वीकारोक्तिमा उपस्थित हुन भनिएको थियो ।
मोरिसनले ‘बोल्ने साहस’ गरेकोमा हिगिन्सको प्रशंसा गरे । जवान महिलाका लागि ‘दुःस्वप्नमा परिणत भएको’ स्थान सुरक्षा र योगदानको ठाउँ हुनुपर्थ्यो,” उनले भने ।
“यो परिवर्तन हुनुपर्छ । यो परिवर्तन हुँदैछ । र, यो परिवर्तन हुनेछ भन्ने मलाई विश्वास छ,” उनले भने ।
अस्ट्रेलियन सेक्स डिस्क्रिमिनेसन कमिसनर केट जेकिन्सले गरेको अनुसन्धानले हाल संसद्मा काम गरिरहेका ३७ प्रतिशतले ‘बुलिङ’ र ३३ प्रतिशतले यौन हिंसा भोगेको पत्ता लगाएको थियो ।
मंगलबार विपक्षी नेता एन्थोनी अल्बानीजले पनि आफ्नो लेबर पार्टीको तर्फबाट हिगिन्ससँग माफी मागे । पब्लिक ग्यालरीमा, भाषणको क्रममा हिगिन्स भावुक भएकी थिइन् ।
