नेकपा एमालेका अध्यक्ष केपी शर्मा ओलीले मतदातालाई धम्क्याउनेलाई मत नदिन आग्रह गरेका छन् ।
आइतबार भरतपुरमा आयोजित चुनावीसभालाई सम्बोधन गर्दै उनले जनतालाई तर्साउनेहरूलाई मत नदिन भनेका हुन् । ‘पहिले पहिले धम्क्याउनेहरूलाई अझै पनि धम्क्याउने बानी गएको रैनछ । अब धम्क्याएर काम चल्दैन । तपाईंहरूलाई भन्न चाहन्छु, कसैले धम्क्याउँदैमा दुर्घटना हुँदैन । जनतालाई तर्साउनेहरूलाई मत नदिनुस्, उनले भने ।
सत्ता गठबन्धनले आचारसंहिता उल्लंघन गर्दै जनतालाई तर्साएर मत मागेको उनले बताए ।
