नेकपा माओवादी केन्द्रका अध्यक्ष पुष्पकमल दाहाल प्रचण्डले फोहोर व्यवस्थापनमा जापानबाट पाठ सिक्नुपर्ने बताएका छन्।

पाँच दिने जापान भ्रमण सकेर नेपाल फर्किएका प्रचण्डले त्रिभुवन अन्तर्राष्ट्रिय विमानस्थलमा आयोजित पत्रकार सम्मेलनमा प्रचण्डले फोहोर व्यवस्थापनमा जापानबाट सिक्नुपर्ने बताए। आफ्नो भ्रमणबाट जापानमा रहेका नेपालीहरू धेरै नै खुसी भएको समेत उनले बताए।

यसका साथै प्रचण्डले फोहो व्यवस्थापनकै लागि जापानसँग सहयोग मागेको बताएका छन्। ‘विकास साझेदारमा जापान अघि छ। जापानले नेपाललाई गरेको सहयोगप्रति आभार प्रकट गर्‍यौं। जापान फोहोर व्यवस्थापनमा सायद संसारकै अग्रणी रहेछ। कतै फोहोर नै नदेखिने बनाएका रहेछन्,’ उनले भने।

जापानको हाइड्रो, कृषि र भौतिक संरचना आवश्यकता भएको विषयमा छलफल भएको प्रचण्डले बताए। उनले नेपाल जापानबीच प्रविधिको सहयोगबारे छलफल भएको बताए।

प्रचण्ड पाँच दिन अघि जापानको फुकुओकामा आयोजना भएको नेपाल फेस्टिभलको समुद्घाटन कार्यक्रमका लागि जापान गएका थिए।