लिज ट्रस बेलायतको प्रधानमन्त्री हुने भएकी छन्। बेलायतको सत्तारुढ दल कन्जरवेटिभ पार्टीको नेतामा सोमबार जित हासिल गरेसँगै उनले प्रधानमन्त्री बोरिस जन्सनको ठाउँमा प्रधानमन्त्री हुने भएकी हुन्।
बेलायतमा महँगी अकासिएको‚ औद्योगिक अव्यवस्था र मन्दी छाएको समयमा उनी प्रधानमन्त्रीको कुर्सीमा बस्न लागेकी छन्।
ट्रस दलको नेता चुनिएपछि पार्टी नेतृत्त्वका लागि लामो समय चलेको होडबाजीको पटाक्षेप भएको छ। दलको नेतृत्त्वका लागि पूर्व अर्थमन्त्री रिषी सुनक र विदेशमन्त्री रहेकी ट्रसबीच तीव्र प्रतिस्पर्धा भएको थियो।
अनेकौं काण्डमा मुछिएपछि प्रधानमन्त्री जन्सनले गत जुलाईमा नै पदबाट राजीनामाको घोषणा गरेका थिए।
जन्सनले मंगलबार टेन डाउनिङ स्ट्रिटबाट बिदा लिने भएका छन्। उनी मंगलबार स्कटल्यान्ड जाने र महारानी एलिजाबेथसँग भेट गरी औपचारिक रुपमा राजीनामा बुझाउने बेलायती समाचार एजेन्सी रोयटर्सले जनाएको छ।
ट्रसले पनि स्कटल्यान्डमै महारानीसँग भेट गरेर सरकार गठनको अनुमति लिने बताइएको छ।
भारतको नजर ऋषि सुनकमा थियो
जे होस्, बेलायतमा प्रधानमन्त्री पदका लागि भएको चुनाव निकै रोचक थियो, त्यसको पछाडि भारतीय मूलका प्रधानमन्त्री पदका उम्मेदवार ऋषि सुनक थिए । ऋषि सुनकसँगै भारतमा पनि बेलायती चुनावी माहौल तातो थियो र जनताले हरेक पल अपडेट पाउँथे । तर, आज ऋषि सुनक प्रधानमन्त्रीको दौडबाट पूर्ण रुपमा बाहिरिएका छन् । स्मरण छ कि ऋषि सुनक इन्फोसिसका संस्थापक नारायण मूर्तिका ज्वाइँ हुन्।
