कात्तिक २६,चनौली : चितवन क्षेत्र नं.३ का लागि प्रतिनिधिसभा सदस्य पदका उम्मेदवार एवम् राष्ट्रिय प्रजातन्त्र पार्टी (राप्रपा) का वरिष्ठ उपाध्यक्ष विक्रम पाण्डेलाई चनौली बजारमा भव्य स्वागत गरिएको छ। चुनावी घरदैलो तथा प्रचारप्रसारका क्रममा रहेका नेता पाण्डेलाई चनौलीवासीले भव्य स्वागत गरेका हुन्।

नेता पाण्डेले आफू सरकारमा रहँदा मालपोत कार्यालय स्थापना गरेर चनौलीवासीको सेवामा सहज पहुँच पु¥याइदिएको भन्दै नेता पाण्डेलाई भव्य स्वागत गरिएको हो। नेता पाण्डेले चनौलीस्थित मालपोत कार्यालयको समेत अनुगमन गर्नुभएको थियो। नेता पाण्डेले भीमनगर चोकदेखि चनौली बजारसम्म घरदैलो गर्नुभएको थियो।

चनौलीमा मालपोत कार्यालय स्थापना गरेर पश्चिम चितवनका नागरिकलाई भरतपुरसम्म पुग्नुपर्ने बाध्यताको अन्त्य गरिदिएको भन्दै आगामी दिनमा पनि पश्चिम चितवनवासीको लागि काम गरिदिन स्थानीयले आग्रह गरेका छन्।

घरदैलोपछि चनौली बजारको चौतारोमा सम्पन्न कोणसभा लाइ सम्बोधन गर्दै नेता पाण्डेले अन्य दल हरु आपसी गठबन्धन गरेको भए पनि आफुले यहि चितवनका स्थानीय वासी जनता संग गठबन्धन गरेको बताउनु भयो ।