नेपाल राष्ट्र बैंकबाट “घ” वर्गको इजाजत प्राप्त मनकामना स्मार्ट लघुवित्तीय संस्थाको साधारण सेयर (आईपीओ) को आवेदन खुलेको छ ।
आजदेखि खुलेको सेयर २१ गतेसम्म आवेदन दिन सकिने सेयर बिक्रि प्रबन्धक एनएमबी क्यापिटलले जानकारी गराएको छ । मनकामना स्मार्ट को ३ लाख ८९ हजार कित्ता आईपीओ खुल्ला भएको हो ।
प्रतिकित्ता १०० रुपैयाँ दरको ३ लाख ८९ हजार कित्ता आईपीओ निष्काशन गरेको कम्पनीले ६ हजार ५८ कित्ता कम्पनीका कर्मचारी र १९ हजार ४ सय ५० कित्ता सेयर म्युचुअल फन्डलाई छुट्याएको छ ।
बाँकी ३ लाख ६३ हजार ४९२ कित्तामा मात्र सर्वसाधारणका लागि खुल्ला गरेको हो । जसमा न्यूनतम १० कित्तादेखि १ हजार कित्तासम्म आवेदन दिन सकिने बिक्री प्रबन्धक कम्पनीले जानाकारी गराएको छ ।
यस अर्थमा सर्वसाधारणले १ हजारदेखि १ लाख रुपैयाँसम्म लगानी गर्न सकिने भएका हुन् । मागअनुसार तोकिएको समयमा आवेदन नपरेको खण्डमा समय बढाउन सकिने व्यहोरा पनि बिक्रि प्रबन्धकले जनाएको छ। मनकामना स्मार्ट लघुवित्तीय संस्थाको राष्ट्र बैंक बाट जारी इजाजतमा क्षेत्र नं ५ लाई मात्र कार्य क्षेत्र मानिएको छ भने यसको प्रमुख कार्यालय सिद्धार्थनगर -५ रुपन्देहीमा रहेको छ।
