संयुक्त राष्ट्रसंघ पछि सबैभन्दा ठुलो मानव संजाल अन्तरास्ट्रिय सामाजिक संस्था लायन्स क्लब अन्तरास्ट्रियले सयौं वर्षको यात्रा तय गरिसकेको छ। नेपालमा पनि सुरुवात भएको झन्डै ५० वर्ष भईसकेको छ। यसै लायन्स क्लबको स्वयंसेवी संस्था हो लियो क्लब। अन्तराष्ट्रियबाट ३२५ कोड प्राप्त गरेको नेपालमा पनि A1, A2, B1 र B2 गरेर ४ ओटा मात्र जिल्ला परिषद (धेरै क्लबहरुको अभिभावक) थिए। तर यो वर्षबाट भने यो संख्या टुक्रिएर भिन्न भिन्न जिल्लाहरु भएका छन्। त्यसै अन्तर्गत 325 R जिल्लाको नेतृत्व लिनका लागि लामो समय देखि लियोमा आवद्द भएका पुरुषोत्तम सुवेदीले पनि आफ्नो उम्मेद्वारी दिने घोषणा गर्नुभएको छ ।

उम्मेद्वारी घोषणा गर्दै सुवेदी

” हामी सेवा गर्छौं” भन्ने पवित्र उदेश्यलाई आत्मसात् गर्दै बिगत १३ बर्ष देखि सामाजिक तथा मानविय कार्यमा अग्रसर हुँदै विभिन्न नेतृत्वदायी भुमिका निर्वाह गर्दै आइरहेका लियो क्लब अफ नारायणगढ चित्रवनले (बर्ष २०१७/१८) का लियो क्लब अफ नारायणगढ चित्रवनका अध्यक्ष तथा (बर्ष २०२१/२२) का जिल्ला कार्यकारी सचिव तथा विगत एक दशक समय देखि लियोको यात्रामा विभिन्न जिम्मेवारि पदमा बस्दै आउनु भएका सबै लियोहरु तथा युवाहरुको प्रेरणाको श्रोत लियो पुरुषोतम सुवेदी लाई प्रस्तावित जिल्ला परिषद ३२५R को लायन बर्ष २०२२/२३ को लागि जिल्ला अध्यक्षको रूपमा लियो क्लब अफ नारायणगढ चित्रवनले सगौरब रूपमा अगाडि बढाएको छ।

हिजो मिति १२ गते बुधबारका दिन लियो क्लब अफ नारायणगढ चित्रवनका अध्यक्ष लियो सन्तोष सुवेदीको अध्यक्षतामा बसेको सातौं साधारण
बैठकमा लायन्स क्लव अफ नारायणगढ चित्रवनका पूर्व अध्यक्ष, लियो क्लव एडभाइजर तथा जोन चियर पर्सन लायन हरिकुमार राजभण्डारी , लायन्स क्लव अफ नारायणगढ चित्रवनका पूर्व अध्यक्ष लायन हर्षमान श्रेष्ठ , लियो क्लब अफ नारायणगढ चित्रवनका पूर्वअध्यक्ष तथा (बर्ष २०२१/२२) का जिल्ला कार्यकारी सचिव लियो पुरुषोतम सुवेदी, तथा उक्त क्लबका पुर्व अध्यक्षहरु प्रवेश गौतम, विकास पाण्डे, सन्दिप पाठक, प्रवेश बाबु खनाल तथा क्लब पदाधिकारी र सदस्यहरुको उपस्थितिमा बर्ष (२०१७/१८) का अध्यक्ष तथा (बर्ष२०२१/२२) का जिल्ला कार्यकारी सचिव लियो पुरुषोतम सुवेदी लाई प्रस्तावित जिल्ला परिषद ३२५ R को लायन बर्ष २०२२/२३ को लागि जिल्ला अध्यक्षको पदमा उमेदवारीकाे लागी स-गौरव प्रस्तुत गर्ने निर्णय गरेको क्लबले जनाएको छ ।

सुवेदी एक दशक समय देखि लियोको यात्रामा विभिन्न जिम्मेवारि पदमा बस्दै आउनु भएको छ। बर्ष २०१३ मा सदस्य भए संगै सुरवात भएको लियो यात्रा (२०१७/१८) मा क्लब अध्यक्ष , २०१८/१९ मा तालिम पुल डिपाटमेनट , २०१९/२० मा एरिया -काे चिफ , २०२०/२१मा एरिया चिफ , बर्ष (२०२१/२२) का जिल्ला कार्यकारी सचिव हुँदै प्रस्तावित जिल्ला परिषद ३२५ R को लायन बर्ष २०२२/२३ को लागि जिल्ला अध्यक्षको पदमा उम्मेद्वारी दिने घोषणा गर्नुभएको छ ।

सुवेदी हाल प्रेसिडेन्सी कलेज भरतपुरमा स्नातकोत्तर गर्दै हुनुहुन्छ भने पोखरेली ढुंगा तथा विभिन्न संघसंस्थामा पनि आवद्द हुनुहुन्छ।