काठमाडौं, ५ पौष । प्रधानमन्त्री केपी शर्मा ओलीले मन्त्रिपरिषदको बैठकबाट निर्णय गराएर प्रतिनिधिसभा बिघटनको सिफारिश गरेबमोजिम राष्ट्रपति विद्यादेवी भण्डारीले बिघटन गरेपछि त्यसविरुद्ध सर्वोच्च अदालतमा रिट दायर हुने भएको छ ।
वरिष्ठ अधिवक्ता दिनेश त्रिपाठीले राष्ट्रपतिको कार्यालय, प्रधानमन्त्री केपी शर्मा ओली, प्रधानमन्त्री तथा मन्त्रिपरिषदको कार्यालयलगायतलाई विपक्षी बनाई रिट दायर गर्न लागेको जानकारी दिएका हुन् । वरिष्ठ अधिवक्ता त्रिपाठीले संसद बिघटन गर्नुलाई संसद मात्र नभई संविधानकै हत्याको संज्ञा दिए । उनले भने,‘संसद र संविधानको हत्यामा प्रधानमन्त्री ओली मुख्य पात्र हुनुभयो र राष्ट्रपति विद्यादेवी भण्डारी पनि त्यसको मतियार हुनुभयो ।’ उनले राष्ट्रपति र प्रधानमन्त्री दुवैजना इतिहासकै कलंकित पात्र भएको आरोप लगाउँदै सर्वोच्च अदालतमा रिट लिएर जान लागेको बताए ।
जानकार स्रोतका अनुसार प्रधान मन्त्रिले अाफ्नो कदमलाइ यदि सडकबाट अबरोध भएमा त्यसलाई एक्सन लिन प्रधानमन्त्रिले सबै सुरक्षा निकायका प्रमुख लाई बोलाएर छलफल गरेका छन र सेनालाइ उच्च सतर्कतामा रहन निर्देसन पनि दिएको कुरा जानकारिमा आएको छ ,सेनाका तर्फबाट ब्रिफिङ गर्दै नेपाली सेनाका उच्चअधकृतले अबस्था अाफ्नो काबुमै रहेको जानकारि गराएका छन | र , आबश्यक परेमा सेनाले सरकारको निर्देसन मान्ने कुरापनि उनले बताए ।
